Maki拉麵 (Closed)

平時成日都會經過依頭，本來一直都無太留意到原來有間拉麵🍜鋪，同朋友傾開先知，咁啱今日突然想食拉麵😂。前菜有個裙邊，食落甜甜地好彈牙，都幾醒胃👍。黑蒜油豚骨拉麵 $88第一眼最搶眼嘅就係塊紫菜，大大塊又脆口，點少少湯嚟食又有紫菜味又有黑蒜味👍。食拉麵🍜一定係飲一啖湯先，濃香黑蒜味，之後再嚟就係食注拉麵，軟硬度恰到好處，可能因為軟硬程度有得選擇😂。最後當然係豚骨，肥瘦均勻，肉味濃，油脂適中😋。仲有隻溏心蛋，亦都係重要角色之一，熟與未熟透之間嘅感覺，食落有少少溏心流出😏。櫻花蝦辛辣拉麵 $88依碗拉麵一上枱嘅時候店員已經即刻講要食咗櫻花蝦餅先，當小食咁食。食落卜卜脆，熱辣辣，大量嘅櫻花🌸蝦，非常開胃。辛辣湯底辣味足夠，本身我自己鍾意食辣，再配大大塊紫菜點湯嚟食一流👍。當然唔少得豚肉同溏心蛋嘅配合😋。