極之拉麵

Open Now

Now Closed

一間門面，位置都不起眼的拉麵店，就算走過都唔會留意，吸引到我哋來極之拉麵食既原因係師傅一心一意烹調湯底，務求煮出一碗滿意的拉麵，如果對湯底唔滿意就會倒掉休業，表演出匠人的精神。極之真鯛白湯拉麵湯底以真鯛魚熬煮而成，顏色係淡淡奶白色，飲落魚味濃郁鮮甜，質地好掛湯，配上拉麵食每口都係鯛魚味。叉燒簿切，口感唔會太柴，肉味香濃，而鯛魚片嫩滑鮮甜，最有驚喜係炸魚皮，沾上魚湯食，真係食完想再食。極之真牡蠣醬油拉麵，湯底以大量牡蠣長時間熬煮出來，入口係濃厚蠔味，配料半殼醬漬鮑魚口感軟糯，而牡蠣仔粒粒飽滿，蠔味十足，成碗充滿海鮮味。兩碗拉麵都好高質素，係香港少有既海鮮湯底，好飲到成碗湯都飲哂，深深體會到師傅既用心同技術。