拉麵小町

Open Now

Now Closed

早前睇youtuber mill milk介紹屯天元日式踩單車一日遊已經bookmark左小町～週日去要等位，等左大概15mins☺️小店唔算大，裝修較日式以灰色牆身配木枱為主～由於疫情關係擔心去到摸門釘，所以去之前打左電話睇下佢地有冇開😜1️⃣醬油拉麵 $80依款醬油拉麵湯底好濃厚，唔太鹹飲完唔口渴👌🏻拉麵軟硬度預設左冇得選擇～麵身質地食落比較彈牙，叉燒較薄有兩塊都係腩肉位，油脂口感唔錯，推薦。2️⃣塩拉麵 $80依款塩拉麵既湯底飲落較漿口，但塩味唔算太重，相比醬油湯底淡口，岩啲無甘重口味人士，拉麵食落彈牙掛湯，溏心蛋有流心，味道都唔錯。3️⃣山椒烤雞翼 $50/ 4隻推薦依款烤雞翼，雞翼外皮好香脆，食落啖啖重黑椒味仲有啲辣辣地，幾入味💯欣賞雞翼切半，幾細心～方便食用👍🏻4️⃣煎餃子 $42/ 5隻依款煎餃既餃子皮十分薄，食落外脆內軟👍🏻內裡既餡料韮菜肉碎，唔會好鹹👌🏻PS: 小町星期一二休息；星期三至五；1200-1500，1730-2100；星期六日；1200-2100～有小町專用車位可以揸車去🚗小町門口左轉有條巷仔駛到最入。