Video
Read full review
2015-11-21
498 views
元朗係一個永遠都充滿驚喜既地方，估你唔到元朗有拉面店既質素係同登龍街相約，價錢因為租金問題，當然平過登龍街一大截，又唔洗下下都排隊話說本身就病病地，一病既食量就增大10億倍，我承認我係叫得好din。大家先睇睇個咁可愛既menu先，真心畫得好可愛！山松焰野菌松露(軟)拉面配豬軟骨($78) 加combo($28，因為貪小便宜，like and share左fb所以變半價$14 ya！)登登~ 點解多左2塊叉燒既？因為呢度既拉面可以選配豬軟骨or叉燒，貪心的小狗想哂試豬軟骨同叉燒，所以加20蚊配多份叉燒。見到擺到咁靚已經暗爽左一下沙律真心好味，啲菜起碼乾淨先，配個柚子醋加芝麻，酸酸地好開胃，不過食到最尾，貪心點好多汁所以酸左小小。食拉面首先一定係飲湯先！個豚骨湯我夠膽講係好味過登龍街大部分拉面店，因為飲落除左好重豚骨味之外，最重要係有豬骨既膠質，令到個湯好濃好有骨膠原既感覺！上面有一pat係黑松露醬，配上木耳，竹筍，蟹味菇，紫菜，好彩有叫combo所以有一隻溏心蛋加配。個黑松露醬好香，唔係流料haha，撈左落湯度，令成個湯馬上昇華！竹筍真心唔係講笑，出奇地好食，好甜好爽口，但紫菜普通料左左
話說本身就病病地，一病既食量就增大10億倍，我承認我係叫得好din。
大家先睇睇個咁可愛既menu先，真心畫得好可愛！
山松焰野菌松露(軟)拉面配豬軟骨($78) 加combo($28，因為貪小便宜，like and share左fb所以變半價$14 ya！)
登登~ 點解多左2塊叉燒既？因為呢度既拉面可以選配豬軟骨or叉燒，貪心的小狗想哂試豬軟骨同叉燒，所以加20蚊配多份叉燒。
見到擺到咁靚已經暗爽左一下
沙律真心好味，啲菜起碼乾淨先，配個柚子醋加芝麻，酸酸地好開胃，不過食到最尾，貪心點好多汁所以酸左小小。食拉面首先一定係飲湯先！個豚骨湯我夠膽講係好味過登龍街大部分拉面店，因為飲落除左好重豚骨味之外，最重要係有豬骨既膠質，令到個湯好濃好有骨膠原既感覺！上面有一pat係黑松露醬，配上木耳，竹筍，蟹味菇，紫菜，好彩有叫combo所以有一隻溏心蛋加配。
個黑松露醬好香，唔係流料haha，撈左落湯度，令成個湯馬上昇華！竹筍真心唔係講笑，出奇地好食，好甜好爽口，但紫菜普通料左左小小，不過食拉面又唔係紫菜做主角既
拉面面質夠正，就算揀軟身拉面都不失彈性，面粉味好香，同埋好索到啲湯，啖啖拉面都夾雜左豚骨湯，要食到Sirsir聲先得！
溏心蛋好正呀~外面個色見到有用醬汁浸到，唔係講廢話，隻蛋本身真係係好香蛋味架~
如果你問我選豬軟骨定叉燒好，我毫不猶豫地一定答你係叉燒！因為豬軟骨真係無乜味，個肉有小小實唔太鬆化。叉燒就真係好高水準！本身醃得夠味，仲要係烤過，所以食落去，豬油已經烤到好香，油膩感大減，仲有小小脆口，超好味！
小女子咁大食既情況下，難免吸引到有個店員姐姐問我食唔食得哂，之後傾左幾句，先知原來個湯煲左20幾個鐘，難怪咁重膠質同埋咁濃豬骨味。
姐姐仲話可以試下用福菜(即係醃左既芥蘭苗)配埋拉面一齊食，食落有啲似菜甫，好少見到拉面有呢個福菜，幾得意既~
Post
