Four X Four

Open Now

Now Closed

村屋經常都會搵到寶藏，特別係啲隱世小店真係要行過或者住果頭嘅人先知道。原來大圍上口徑村一帶都有間文青Cafe 小餐廳，環境幾舒服，好闊落，用心經營，感覺到其心思。隨意點咗兩個Set同埋特色飲品：🥄 All day breakfast ： 真係好豐富嘅全日餐，用個蒸籠放住中西合璧，當中有窩夫，巴馬火腿，台灣腸，煙三文魚，太陽蛋，大啡菇，薯餅，炸燒賣 同埋 橙柳乳酪沙律。每樣都有啲，但係入邊又有健康的食材，整個配搭都幾新鮮。🥄黑醋汁雞扒日式他他醬、燒菠蘿片配菠蘿包，炸番薯角：完全係一個好豐富嘅午餐，首先講吓佢啲汁，黑醋汁配上雞扒，令到雞扒唔會好膩，另外菠蘿片感覺會清新一啲，酸酸甜甜咁，即製番薯角也不錯，入邊係軟熟唔會炸到好乾😃🍊香橙冰茶：天然的香橙嘅味道配上紅茶，唔會太甜。🍹西柚伯爵冰茶:有蝶豆花 加上 西柚，變咗會有紫色嘅效果，唔會好甜，西柚味道清新。