ReDivine (CAPRI Place) (Closed)

揀左一個星期六晚過黎食飯，呢間餐廳唔係喺海邊位置，係喺Capri Place入面，有少少隱蔽。餐廳自成一角，戶外用餐區完美融入商場花園，變左做餐廳一部份咁。Menu選擇都幾多，我點左幾道菜，其中最鍾意嘅係泰式炭燒豬腩肉，這道菜係menu冇，淨係喺週末供應！豬腩肥肉和瘦肉分明，外皮微焦有彈性。好似韓式五花肉咁跟左生菜同大蒜，配上辣辣地嘅泰式醬汁，非常好味😋醬燒法國無激素春雞都ok大隻，烤到外皮脆，肉質鮮嫩，配上特製的加多加多醬，令呢道菜更好味，個醬太好味嘅關係特別點左份香脆蒜蓉法包配黎食😋😋原隻大魷魚加左好多香料烤，大大隻，揸住黎打卡唔錯，點泰式酸辣汁好開胃。甜品方面，我地點左法式熱情果焦糖布甸。呢個版本加入了新鮮雜莓同熱情果，少少酸味令味道更清新。冰涼嘅水果同馬卡龍與溫暖嘅布甸冰火交融，更能平衡甜膩感。兩杯飲品都唔錯，星空蝶豆花打卡好靚，係乳酸味嘅飲品😋