新潮樓 (Closed)

放工黎到emax 食野，唔駛同人迫，星期五都可以慢慢坐，舒舒服服😀原來呢間酒樓逢星期五六日都會有人唱歌。氣氛好好，岩晒同屋企人黎！屋企人都話好耐冇聽過粵語舊歌。服務好，嘢食都非常有水準。先食頭盤： 鵝肉拼鵝腸食潮州菜必點，滷水汁好香，唔會太鹹但又好入味，鵝腸好爽脆彈牙，份量都好足！椒鹽九肚魚呢個係我嘅最愛。好香好脆，食到停唔倒口！最好係佢唔會太鹹☺️真係一流！沙嗲牛肉芥蘭雖然賣相唔係好靚，但好好食！有大排檔風味，菜好新鮮好爽口！牛肉又好嫩滑😋😋芋頭油鴨煲呢個主菜必點！芋頭好香好粉，有鴨鹹香十足，食落好濃郁又暖身！好啱呢個凍凍地嘅天氣食！！福果芋泥芋泥甜度適中，福果又煙煙韌韌咁非常好味！為呢餐飯劃上完美嘅句號！