Video
Read full review
2018-10-30
1407 views
隱世新開漢堡店食炸蛋✨ 冇去一排發現荃灣鱟地坊條食巷變哂天，有一半舖頭都唔同哂樣，然後賣嘅都大都係啲基本嘢，不過俾我發現其中一間漢堡店個menu有樣得意嘢，就係炸蛋😂咁當然炸蛋唔係普通嘅炸蛋啦，其實佢係蘇格蘭蛋scotch egg，簡單嚟講即係用啲肉包住粒半熟蛋拎去炸成嘅肉蛋。話說之前西環都有間有炸蛋食，不過賣成八十蚊，然後呢度賣十八蚊平四倍真係好痴線😱咁當然包裝上係冇得比，但食落覺得超值，出現炸粉激薄，脆得嚟唔會話好厚粉增加肉層嘅負擔，然後啲肉好鬆軟肉味好香，再加上隻半熟蛋炸完都仲係好軟滑仲識流心添✨而其他小食全部嘢都係即叫即炸夠哂香，最貴嘅魚手指配薯條都係廿八，魚手指肉質唔嚡口，薯條意外地係用粗薯。最有驚喜係個雞翼，以為係普通炸雞翼，點知原來真係好似佢個名咁有秘製過，入面有類似水牛城咁微微嘅辣好惹味✨（時間關係，朋友襯我未影已經搶咗隻雞翼同魚手指食）仲有師傅私人醒咗塊試作品菠菜薯餅過我地試，同平時快餐啲薯餅唔同，佢係將薯仔刨絲再煎，放菠菜上面再鋪芝士，平時好邪惡但又俾菠菜減咗膩，都幾好食，但食落有點過油，如果再脆啲香口啲仲正，不過試作品應該會再微調嘅😏見個炸蛋咁出色就順便試埋個漢堡
咁當然炸蛋唔係普通嘅炸蛋啦，其實佢係蘇格蘭蛋scotch egg，簡單嚟講即係用啲肉包住粒半熟蛋拎去炸成嘅肉蛋。話說之前西環都有間有炸蛋食，不過賣成八十蚊，然後呢度賣十八蚊平四倍真係好痴線😱
咁當然包裝上係冇得比，但食落覺得超值，出現炸粉激薄，脆得嚟唔會話好厚粉增加肉層嘅負擔，然後啲肉好鬆軟肉味好香，再加上隻半熟蛋炸完都仲係好軟滑仲識流心添✨
而其他小食全部嘢都係即叫即炸夠哂香，最貴嘅魚手指配薯條都係廿八，魚手指肉質唔嚡口，薯條意外地係用粗薯。最有驚喜係個雞翼，以為係普通炸雞翼，點知原來真係好似佢個名咁有秘製過，入面有類似水牛城咁微微嘅辣好惹味✨（時間關係，朋友襯我未影已經搶咗隻雞翼同魚手指食）
仲有師傅私人醒咗塊試作品菠菜薯餅過我地試，同平時快餐啲薯餅唔同，佢係將薯仔刨絲再煎，放菠菜上面再鋪芝士，平時好邪惡但又俾菠菜減咗膩，都幾好食，但食落有點過油，如果再脆啲香口啲仲正，不過試作品應該會再微調嘅😏
見個炸蛋咁出色就順便試埋個漢堡，呢度啲包款包唔多，普通漢堡同雞肉漢堡，前者可以揀配料，有煙肉同蛋沙律，而我揀咗最特別嘅焦糖洋蔥，炒到好腍好入味，當然最重要係塊漢堡扒啦，呢度完全係我最鐘意嘅類型，除咗肉香多汁，食起上嚟夠軟夠腍又冇渣，好驚食漢堡食到起渣，後來廚師話啲肉係用安格斯自己攪出嚟，不得了😍
而另外個親子漢堡其實係手撕雞加蛋，雞肉都算嫩口唔會點痴牙，而且撈埋個秘製烤醬幾惹味，話說好似都幾少見到手撕雞漢堡，通常都係響啲洋人餐酒館先會見到😂
Post
