東京食堂 (Closed)

朋友介紹尖沙咀有間食堂，蒲燒鰻魚冇得頂，喜愛食鰻魚嘅我梗係唔可以錯過。食堂位於一個隱蔽的後巷內，到達尖沙咀柯士甸大廈，走入小巷，隨即發現東京食堂。食堂裝修簡樸，大約有十幾個座位。價錢平民化。蒲燒鰻魚(半/全)套餐包括麵豉湯和珍珠米，份量十足，鰻魚肉質肥美，入口感覺軟腍，以粟米粒車厘茄伴碟，珍珠米配上飯素更更美味。黯然銷魚飯燒汁甜度比例恰到好處，蔥花配煎蛋加上鰻魚，味道另一番風味。吉列炸蝦外皮金黃鬆脆，口感爽口彈牙。蜂蜜紅茶紅茶清香醇厚搭配上蜂蜜，口感柔和。柚子梳打味道清新，帶一點酸甜，胃口瞬間提升。