十戶 (Closed)

聽朋友講最近係土瓜灣有間裝修到好日本風嘅餐廳😍餐廳行居酒屋路線，食物主要係串燒，但都有少少刺身可以揀。餐廳仲有好多清酒，不過今日主要係黎都係想試下啲串燒。鮟鱇魚肝，出面好少地方食到，醬汁酸酸地好開胃，魚肝入口即融😋酒盗芝士，用魚嘅肝臟攪成醬，配梳打餅同芝士，可以邊同朋友傾計邊等串燒ready。特選刺身五點盛，有油甘魚腩，赤貝、甜蝦、鯛魚海膽、三文魚，擺盤有心機，海膽加鯛魚一齊食有幾種口感，鮮甜美味。豚腩肉包糖心雞蛋，腩肉油脂燒到出哂黎，連埋糖心雞蛋食好正🤤免治雞肉棒，肉質一啲都唔鬆散，再點埋個蛋汁令到雞肉更滑溜更易入口😋富士蘋果豚腩卷，勁肥既腩肉油香十足仲滴緊油，但入面嘅蘋果就好清新爽甜，食到索索聲😝店入面嘅串燒全部都係即叫即燒，真係要慢慢耐心等等候。因為當日堂食顧客唔多，再加上坐住吧枱位置，所以師傅都好悉心介紹食材，服務唔錯。menu上嘅串燒多籮籮，有機會會再黎。