TORIO喫茶部 (Closed)

餐廳座落觀塘工廈一個隱蔽嘅角落，如果未去過嘅人要預返少少時間去搵。晚市套餐選擇都算多，日式咖喱飯、意粉同扒類都有，加$28就可以任揀一杯嘢飲。前菜方面，今次我飲到嘅係薯仔湯，用料充足，食得出唔係開罐頭湯。日式咖喱飯微甜，配上雞肉或者牛肉，富有日式味道。另外鹹蛋黃汁帶子意粉亦不俗，帶子煎得幾香，醬汁唔會太漏；不過食到底口感有啲寡，如果加上更加多配料或者鹹蛋黃碎可以令口感更加豐富。鮮果pancake口感鬆軟，價錢亦都相宜，作為飯後甜品啱啱好。