秋香 (黃金海岸商場) (Closed)

黃金海岸附近多咗好多新樓盤，好彩今日行咗個圈，呢度都仲係咁chill咁relax。商場行咗一陣，入咗呢間秋香，估計老闆同我一樣係周星馳fans😂首先點咗杯黑啤，唔係罐裝嚟，係機出嘅，口感綿密啲，味道亦無平時咁苦。漬物有三種，分別係蘿蔔、牛蒡、茄子，第一次食漬茄子覺得好新奇，口感比較軟，牛蒡同蘿蔔就爽口。我幾喜歡呢度啲漬物，唔會太酸，易入口。刺身三點盛好新鮮，而且唔孤寒，片片都好厚肉。三種味道都鮮甜，油甘魚明顯比其他餐廳靚。炸物有蠔、雞、蝦。蝦我本來唔想食個外皮，後尾太香脆結果食曬🤣蝦肉都爽口唔霉，幾好。燒物有五種，雞翼燒得幾香，牛肉同平時全熟唔同，大概七成熟左右，口感軟得多。白鱔煲仔飯要+$40，但係店舖招牌菜，加錢就加錢啦！鱔好厚好肥，靚過我自己街市買😂飯撈咗蛋黃，比較濕潤香滑，仲有勁多飯焦，口感豐富。甜品是卷蛋和泡芙，劃下一個完美的句號。