浜燒太郎 (Closed)

今日同屋企人去左將軍澳果邊，係翩𣾀坊果到嘅浜燒太郎，喱個新屋苑嘅商場啱啱開，位置都有少少難搵，係單車徑果邊。入到去發覺好有日本風，個裝修好別緻，都多選擇，梗係要試下喱嘅浜燒！我地叫左大蜆，牛油帆立貝，廣島蠔，同蟹蓋，啲海鮮好似係由日本送過黎，所以好新鮮同鮮甜，我最欣賞係個帆立貝，真係好鮮味，仲要啖啖肉！ 刺身方面淨係試左三文魚，都好好味！個鹽燒味噌漬鮭魚腩壽司都好正，魚腩夠哂肥味，配埋三文魚籽食好夾！個豬軟骨醬油拉麵好有驚喜，個湯底好濃郁，個面又唔算好淋，豬軟骨就入口即溶，都推薦呢個拉麵。燒蕃薯普普通通，牛舌就好好味，一啲都唔韌，仲保持到肉汁！仲食左個三文魚日式飯團，呢個就普普通通，唔係好多三文魚。人均消費$300左右，都好抵食。