Neighbor (Closed)

是晚收工約左好朋友食飯，佢揀咗呢間位於銅鑼灣邊寧頓街的Neighbor，餐廳地下主售台式飲品，而1/F則係設有雅座的西餐廳。餐廳牆上有一大片綠油油的草，像在處於森林綠洲，令人感覺悠閒放鬆餐牌上有各類型的前菜、意粉或主菜選擇，仲有每位$238就可享用的八道菜二人晚餐添芝士煙肉焗蠔一客有兩隻焗蠔。金黃色的芝士同煙肉滿佈於生蠔之上，芝士香味四溢，配上鹹香的煙肉，同埋鮮味的蠔肉，成為了晚餐的滋味前菜墨汁蟹肉意大利飯釀原隻墨魚原隻墨魚筒裏釀滿了墨汁意大利飯，飯粒都幾黏口，每粒飯都沾滿了黑漆漆的墨魚汁，仲有少許蟹肉增添左鮮味！配埋軟嫩的墨魚，充滿墨魚風味呀！而墨魚鬚同墨魚筒的兩邊都燒得乾左少少，建議食用時可以點配醬汁芝士焗波士頓龍蝦配虎蝦帶子半邊芝士焗龍蝦都幾大隻，頗厚肉，龍蝦肉面上都充滿了芝士及芝士醬，兩者融合在一起好好味，龍蝦肉仲好爽口彈牙添！而虎蝦同樣係大大隻、厚肉！帶子都幾鮮嫩哦！配埋金黃香脆的炸薯條，夠晒飽肚四季春奶蓋茶芝士奶蓋的質感輕盈得來帶點實在，有芝士同牛奶香，甜度適中，好好味呀！配埋清新的四季春茶，簡直係必點飲品綠妍奶蓋茶芝士奶蓋份量同樣充足，綠茶冰凍解渴，有助去除食物的油膩感