Video
Read full review
2023-01-22
280 views
📌 Friday Bar & Restaurant📍 尖沙咀加拿分道25-31號國際商業信貸銀行大廈14樓☎️ 66202038★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*約咗朋友去尖沙咀飲嘢，撞手神俾我搵到間樓上酒吧，食完都好滿意。酒吧位於河內道K11 對面嘅商業大廈14樓，同地鐵站出口只係相隔十幾步路程，方便得黎私隱度亦高。餐廳環境闊落，空間感十足，門口置有三部飛鏢機🎯，Open area 有幾set大型梳化俾成班朋友坐埋玩下骰盅，唱K大展歌喉，飲飲食食。另外亦有幾間唔同大細嘅party room可以包房搞私人派對。酒吧用QR code 落單，食物種類繁多，小食、扒類、串燒等等應有盡有。另外仲可以選擇BBQ 自助餐添。💫避風塘魷魚鬚（$98）魷魚鬚🦑炸得乾身爽口，外脆內軟，避風塘風味濃，每一口都有炸蒜香。雖然只係叫咗小辣，不過辣度有勁，好惹味！配啤酒🍻啱晒！💫法式豬鞍架（$128）豬鞍架火候掌握到位，肉質細緻嫩滑啖啖肉。配埋泰式汁，將豬鞍架味道進一步提升。💫特色骰仔午餐肉（$68）午餐肉炸得好脆又香口，一口一粒好易食，一路傾
📍 尖沙咀加拿分道25-31號國際商業信貸銀行大廈14樓
☎️ 66202038
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*
約咗朋友去尖沙咀飲嘢，撞手神俾我搵到間樓上酒吧，食完都好滿意。
酒吧位於河內道K11 對面嘅商業大廈14樓，同地鐵站出口只係相隔十幾步路程，方便得黎私隱度亦高。餐廳環境闊落，空間感十足，門口置有三部飛鏢機🎯，Open area 有幾set大型梳化俾成班朋友坐埋玩下骰盅，唱K大展歌喉，飲飲食食。另外亦有幾間唔同大細嘅party room可以包房搞私人派對。
酒吧用QR code 落單，食物種類繁多，小食、扒類、串燒等等應有盡有。另外仲可以選擇BBQ 自助餐添。
💫避風塘魷魚鬚（$98）
魷魚鬚🦑炸得乾身爽口，外脆內軟，避風塘風味濃，每一口都有炸蒜香。雖然只係叫咗小辣，不過辣度有勁，好惹味！配啤酒🍻啱晒！
避風塘魷魚鬚
12 views
0 likes
0 comments
💫法式豬鞍架（$128）
豬鞍架火候掌握到位，肉質細緻嫩滑啖啖肉。配埋泰式汁，將豬鞍架味道進一步提升。
法式豬鞍架
5 views
0 likes
0 comments
💫特色骰仔午餐肉（$68）
午餐肉炸得好脆又香口，一口一粒好易食，一路傾計一路叉黎食，唔覺唔覺就清碟，好邪惡😈。
特色骰仔午餐肉
7 views
0 likes
0 comments
💫燒虎蝦（$68）
外層灑上鹽，食落有咸香，虎蝦肉爽彈，用黎送酒都唔錯。
💫牛油蒜蓉娃娃菜（$68）
又肉又海鮮，都要叫個菜平衡下。娃娃菜好鮮嫩，即叫即焗熱辣辣，入口好重蒜蓉香，食落好甜好味！
另外叫咗兩支Asahi ($58)
酒吧氣氛都幾chill，超巨型梳化坐得舒服，可以成班人一齊唱K，啲歌又夠新，又可以掟下飛鏢🎯玩下骰盅，舒舒服服傾下偈亦可，非常適合一大班朋友聚會嘅樓上酒吧。
Post
