Video
Read full review
2013-06-10
415 views
經泰國朋友的極力推介，今次一行5人黎到呢間元朗泰國菜館試一試。呢間泰國菜館是由一家泰國人開的。雖然鋪門裝潢簡單，但估唔到味道咁好味! 今日叫左好多個菜，因為朋友好肚餓... 1/ 雞蛋蠔仔煎呢個蠔仔煎比我地驚喜。第一個送上的餸就係呢個蠔仔煎! 遠遠都傳黎香味~即叫即整! 熱烘烘的放上我地既抬。相機食先... 跟住我地就開始食，呢個蠔仔煎好有特色，煎的時間剛剛好!蠔仔又多，蛋都夠嫩滑! 仲有少少蛋槳湧出! 2/ 前菜 - 泰式木瓜沙律 & 泰式拼盤今晚選的前菜。 泰式木瓜沙律 - 做得好好... 汁底做得好，不馬虎! 份量都好足夠! 好正宗的泰式木瓜沙律! 正呀! 泰式拼盤 - 呢個都OK! 蝦餅美味~! 3/ 辣椒膏炒蜆呢個我最愛~出面食的中式飯店都整得沒有這間咁美味! 辣椒膏好香! 蜆肉份量勁多! 食極都仲有~估佢唔到的價錢只是$58... 超抵呀! 4/ 泰式串燒 (豬 & 雞)呢個串燒又係值得推介! 今次的豬肉比雞肉更好味! 沒有一點的雪藏味，有肉味又夠Juicy!! 朋友都讚好! 串燒本身沒有跟任何醬汁，我地一問之下原來呢個係冇跟汁。但餐廳都好好咁即刻煮一個
呢間泰國菜館是由一家泰國人開的。雖然鋪門裝潢簡單，但估唔到味道咁好味!
今日叫左好多個菜，因為朋友好肚餓...
1/ 雞蛋蠔仔煎
呢個蠔仔煎比我地驚喜。第一個送上的餸就係呢個蠔仔煎! 遠遠都傳黎香味~即叫即整! 熱烘烘的放上我地既抬。相機食先... 跟住我地就開始食，呢個蠔仔煎好有特色，煎的時間剛剛好!蠔仔又多，蛋都夠嫩滑! 仲有少少蛋槳湧出!
2/ 前菜 - 泰式木瓜沙律 & 泰式拼盤今晚選的前菜。
泰式木瓜沙律 - 做得好好... 汁底做得好，不馬虎! 份量都好足夠! 好正宗的泰式木瓜沙律! 正呀!
泰式拼盤 - 呢個都OK! 蝦餅美味~!
3/ 辣椒膏炒蜆呢個我最愛~出面食的中式飯店都整得沒有這間咁美味! 辣椒膏好香! 蜆肉份量勁多! 食極都仲有~估佢唔到的價錢只是$58... 超抵呀!
4/ 泰式串燒 (豬 & 雞)呢個串燒又係值得推介! 今次的豬肉比雞肉更好味! 沒有一點的雪藏味，有肉味又夠Juicy!! 朋友都讚好! 串燒本身沒有跟任何醬汁，我地一問之下原來呢個係冇跟汁。但餐廳都好好咁即刻煮一個沙嗲汁比我地! 真係好有HEART!
5/ 馬拉盞炒通菜所謂一餐不能沒有菜! 好味... 通菜新鮮又唔會煮得太老! 咬落去仲好爽口!
6/ 焗海鮮雜錦海鮮包 (推介) 非常特色的海鮮包! 高高的麵包裡面盛著熱烘烘而濃濃的甜咖哩! 在咖哩裡面有海鮮雜錦，包括蝦、青口、魷魚、蟹柳等等... 外面的麵包焗得很鬆脆! 沾上濃濃的咖哩一齊吃真係極配! 好值得推介!
海鮮包還有巨蟹海鮮包口味，好吸引! 但是次只叫了雜錦海鮮包，因為朋友對蟹敏感! 我相信巨蝦海鮮包會更加好味!
不過記得要有幾個人先叫呢個...因為呢個海鮮包實在太大，沒有4人根本上係吃不完的。
7/ 泰式生菜包豬頸肉平時都會叫泰式生菜包豬肉碎。今次第一次試泰式生菜包豬頸肉! 估唔到有另一番風味~~菜式賣相精美!豬頸肉好好味! 但我因為唔係食得好辣，所以覺得呢個好辣! 朋友就說OK WO!
8/ 冬陰公因為太好味，唔記得影相... Keekee...
冬陰公有大有小選擇。因為我地朋友當中有幾位都唔飲，所以今次叫左個細既黎飲。但黎到既時候朋友們都覺得個冬陰公好大... 所以真係非常之便宜呀!! 味道當然好，不太辣喎! 冬陰公當中都一慣的多料，有好多隻蝦...
9/泰式肉碎炒飯 & 泰式生蝦
我地去到呢度已經好飽.... 叫得太多了...最後仲要黎個泰式肉碎炒飯。個飯黎到的時候，我地都O曬咀。邊有咁大份量的泰式肉碎炒飯? 朋友們試食完後，最尾都係成個打包返屋企。味道好吃，仲要是雙蛋呢~!!
泰式生蝦都好好味! 好新鮮的! 好快就吃完了!
今晚我們5人晚餐 (個個都好大吃的!) ，叫左好多野都真係食到好飽... 但都係只需$100一位! 好便宜呀!! 總結: 餐廳質素好，待應服務好好。完完全全泰國人打理，一家人自己生意所以做得特別有心! 但因為地區位置的問題 (不是位置大街比較旺的大路)，所以街外人好難搵到佢呢間鋪。光顧的都是住在附近的熟客為多... 呢間非常好味、食物份量大、賣相精美、不需等位而且價錢便宜的隱世泰國餐廳，我好好希望會有更多人發現呢間好有HEART既餐廳!
P.S - 這處適合大伙人用餐... 餐廳有推出8人餐、10人餐、12人餐等等... 價錢都係約$100一位!
Post
