高橋沾麵製作所 (Closed)

有無諗過食FOODCOURT都唔一定頹呢！😎勇者們今日就話比大家知Foodcourt入面都有高質嘅好西架！就係性價比極高嘅日本拉麵同沾麵😋😋😋1️⃣濃厚豚肉叉燒拉麵 🐖🍜（$59）食拉麵最緊要梗係湯底，呢碗拉麵有着非常濃厚嘅魚介湯湯底🐟味道香濃得黎亦都唔會話好鹹。豚肉都有3塊，有燒過嘅口感薄而不膩，糖心蛋個流心啱啱好，但就應該無醃過，所以無咩味道🍳拉麵份量亦都唔算太多，對於大食嘅勇者來講有可能會唔飽😣不過以呢個價錢可以食到咁嘅質素嘅拉麵完全冇投訴，而且香濃嘅湯底足以蓋過一切 🤤2️⃣特製八代海赤海老沾麵🍤🍜（$69）沾麵來講個湯底最緊要夠熱，大家睇相片都可以見到個湯底係仲滾緊熱辣辣架🔥沾麵嘅湯底有大量嘅櫻花蝦 🌸🦐，麵條亦十分爽口掛湯，所以當麵條一浸落湯底後便散發住好重嘅蝦味，十分鮮甜，賣相亦不錯喔~整體而言勇者們都係好推介呢間沾麵製作所，性價比相當高，而個人認為拉麵比沾麵湯底更為出色👍🏻而且如果撞啱好天氣嘅時候喺奧海城嘅大食代仲可以睇到晚霞以及日落添🌞🌞🌞