老坑火鍋

Open Now

Now Closed

呢間火鍋店喺大酒店嘅附近，真係好少會去嗰頭。咁啱最近有個朋友約我去食呢間火鍋，我從來都未試過即管試吓啦。點知幾有驚喜喎！雖然食物嘅質素同環境冇得同而家新派嘅火鍋店比較。但係勝在有地道嘅風味，食物價錢唔貴，雖然坐得唔係咁舒服，但係菜式上面都有唔少選擇。我哋先叫咗幾個小食，包括鴨舌，螄蚶，白雲鳳爪。螄蚶好食喎，冇任何腥味！鴨舌亦都非常入味。湯底方面，我哋叫咗兩個，一個係冬陰功湯底，令一個係椒鹽豬肚豬粉腸。兩個湯底唔算話特別好辣，但係都幾足料。新鮮田雞同埋大墨魚好出色，我哋另外再加多一份豬粉腸，因為實在太邪惡太好食，亦都冇任何異味。但係牛肉呢就冇特別嘅位置選擇，得一款正常操作。螺片亦都好食，而且份量都好足夠！滑丸類正正常常，唔算好彈牙嗰種。鵝腸份量夠，值得推介。環境係嘈吵咗少少坐得唔係咁舒服之外，其實好值得嚟試下。最後每人埋單都只係$350咋！