Video
Read full review
2019-03-14
139 views
今晚又到元朗食好西，朋友揀左呢間近元朗體育館嘅餐廳，話個老闆對食物質素要求好高，唔會令我失望咁話。原來呢間餐廳唔係普通既西餐廳，佢係一間私房西餐廳，唔怪得之朋友話老闆對食物質素要求好高啦～我地兩個人，揀左食6 個course 個set。首先黎左個前菜，即係香醋帶子。香醋既少酸味非常醒胃，喚起左帶子既鮮甜。食完呢道前菜，令我更急不及待。再黎就係魚子醬雪蟹肉沙律，平時唔食魚子醬既我試左一兩粒後，發現原來高質既魚子醬係咁好食！雪蟹肉有唔少，撈埋又彈牙既魚子醬，再次一衝擊我既味蕾～！之後就係令我最有驚喜既香桃味龍蝦！呢個我真係要比十個LIKE呀！桃味清甜，龍蝦肉十分彈牙同新鮮，最念念不忘就係呢味菜式了～食到咁上下就黎左個清湯，松露同黑菌十分配合，互相提升對方既味道～而且湯清而不滯，不錯不錯～Main course 之前就黎既燒八爪魚，我十分佩服廚師可以將一樣咁難處理同好易整到好韌既食物煮得咁有彈性～最後黎到全晚重點：燒安格斯頂級肉眼扒，呢度足19-20安士，二人份量～我地叫左5成熟，配菜一D 都唔馬虎，我仲食曬果D 細條紅蘿蔔，因為真係好甜呀！肉眼扒外面煎得香脆，5成熟恰到好處，唔會太多筋咬唔
今晚又到元朗食好西，朋友揀左呢間近元朗體育館嘅餐廳，話個老闆對食物質素要求好高，唔會令我失望咁話。原來呢間餐廳唔係普通既西餐廳，佢係一間私房西餐廳，唔怪得之朋友話老闆對食物質素要求好高啦～
我地兩個人，揀左食6 個course 個set。首先黎左個前菜，即係香醋帶子。香醋既少酸味非常醒胃，喚起左帶子既鮮甜。食完呢道前菜，令我更急不及待。
再黎就係魚子醬雪蟹肉沙律，平時唔食魚子醬既我試左一兩粒後，發現原來高質既魚子醬係咁好食！雪蟹肉有唔少，撈埋又彈牙既魚子醬，再次一衝擊我既味蕾～！
之後就係令我最有驚喜既香桃味龍蝦！呢個我真係要比十個LIKE呀！桃味清甜，龍蝦肉十分彈牙同新鮮，最念念不忘就係呢味菜式了～
食到咁上下就黎左個清湯，松露同黑菌十分配合，互相提升對方既味道～而且湯清而不滯，不錯不錯～
Main course 之前就黎既燒八爪魚，我十分佩服廚師可以將一樣咁難處理同好易整到好韌既食物煮得咁有彈性～
最後黎到全晚重點：燒安格斯頂級肉眼扒，呢度足19-20安士，二人份量～我地叫左5成熟，配菜一D 都唔馬虎，我仲食曬果D 細條紅蘿蔔，因為真係好甜呀！肉眼扒外面煎得香脆，5成熟恰到好處，唔會太多筋咬唔爛，又唔會太生，非常滿意～
至於餐飲，我點左紅莓花茶，消一消滯，令呢餐完結得十分完美～
整體黎講，餐廳氣氛幾好，每道菜式都好精緻，絕不馬虎，如果想試精緻私房西餐，呢間絕對係好選擇～
值得一提，老闆話每兩個月會轉下meau，咁就唔怕我地食至厭又有新鮮感啦！
Post
