Nomads (Closed)

香港有得食蒙古野嘅餐廳唔多，依間餐廳地理位置隱蔽，又改左個「流浪者」嘅名，覺得幾浪漫，就係咁我就從此同佢結下情緣。首先講佢嘅裝潢，設計好獨特，欣賞佢大膽得嚟簡潔嘅佈置，加上舒服嘅毛毛凳、愉悅嘅民族音樂，俾人一種置身大自然嘅心身舒暢。員工服務態度良好，第一次嚟嘅會有職員介紹餐廳嘅運作。餐廳係自助餐形式，可以自己選擇唔同嘅食材同配菜，交俾廚師即席表演鐵板燒。肉類除左有豬牛雞同煙肉，仲有好出色嘅羊肉。血色夠鮮紅，脂肪比例恰到好處，炒出嚟羊味夠重，酥而不膻，係一等一嘅新鮮。質素同穩定度都好高，非常之難得。海鮮方面有中蝦、蜆肉、魷魚同埋龍利柳，相比起肉類就無咁特出，但係蝦都幾彈牙爽口。配菜亦都唔少，最令我驚訝嘅係餐廳非常之細心，會考慮到唔同嘅「文化」要用到唔同嘅蔬菜配搭，達到色香味俱全嘅效果。例如蔥，佢都會有青蔥、洋蔥同紫洋蔥，好啱我依d要求食得又睇得嘅心態。所謂「文化」就係餐廳嘅重頭戲，亦都係香港人嘅摯愛：混醬。佢嘅醬料並唔係普通嘅沙茶、生抽老抽，而係充滿東南亞風味嘅蒙古醬、冬陰功醬、紹酒等等。佢仲會係上面介紹唔同文化嘅配搭，我個人就最鍾意用蒙古特色炒羊肉，佢些微嘅香辣可以調出個種異國情調，但