禮 (天光道) (Closed)

今日係happy friday，同事話想去居酒屋chill下，所以我就帶左佢去土瓜灣呢間居酒屋食晚飯啦！呢間位於天光道叫禮既居酒屋，裝修都幾別緻，環境氣氛都令人好放鬆😌兵庫縣室津生蠔🦪每隻生蠔望落都好大隻好肥美，食落口肉質果然係飽滿多汁，沾上少少酸汁仲更加鮮甜添😋😋池魚王薄切🐟每塊魚片真係切得好薄同好均勻，晶瑩剔透咁，加埋蔥花同蘿蔔蓉一齊食，魚鮮味更加突出👍🏼👍🏼蟹羔玉子燒🦀玉子燒得非常軟滑，蛋味十足，入面有濃濃的蟹膏，兩樣野都出奇地夾！月見免治素肉棒🍡食落去既質感竟然同真既雞肉好相似，沾上蛋黃汁同醬油就更香甜，岩哂素食人士！媽媽鹹蛋豬肉棒🍡鹹蛋加豬肉既味道原來可以咁香口細膩，肉汁仲可以鎖住係入面，正👍🏼雞腎🐔質感唔會太韌，好有咬口，而且燒得好香脆！厚切牛舌芯👅肉質厚實嫰滑，加埋少少海鹽調味令到質感更加提升一個層次🤤亞波美手羽先🐣外皮燒得金黃香脆，雞肉更加係鮮嫰多汁！！沖繩炸雞🐥因為係岩岩炸起所以雞肉仲好新鮮熱辣既，外皮燒到特別脆卜卜咁夠哂入味！！😋