Four O Five Coffee & Eatery

Open Now

Now Closed

明明係地舖望住手機地圖搵左好耐，最後先發現原來在成業工業大廈內，實在非常隱世。入內見好旺場，差不多滿座。西餐美食好多選擇，手機落單相當方便。波士頓龍蝦 配 伏特加蕃茄忌廉汁意粉 $268龍蝦原隻開邊，蝦肉鮮甜但肉有點韌。意粉口感煙韌，配上蕃茄忌廉汁酸甜開胃，伏特加加持下，激發蕃茄香味升呢，仲有蒜片煙肉元素，令醬汁味道豐富，食落超美味，非常欣賞。蒜香蟹肉意粉 $138意粉份量十足，口感煙韌，蒜香味道濃郁，混了好多蟹肉，相當鮮美，味道唔錯。吉士焦糖疏乎厘班戟 $108疏乎厘班戟相當大件，甜甜的吉士醬汁滿瀉，有層焦糖，賣相甚為吸引。班戟鬆軟口感綿密，焦糖爆谷點綴下，好有藝術感，甜品令人開心，值得一食。