Video
Read full review
2022-12-21
154 views
同朋友行行下街,發現呢間位置比較隱蔽既美式餐廳,朋友話好想入去食,加上我又肚餓,所以就入去!!店內裝潢充滿美式復古感覺,牆上掛左可愛既動物掛畫,座位仲好舒適寬敞,如果天氣好又唔凍,可以坐outdoor位置,感覺好chill!呢度主打牛排同牛排三文治,不過我想試下其他特別既菜式,食完味道都唔錯!!餐廳有Dinner set同All Day menu供應▪Dinner set配田園沙律,餐湯及餐飲仲有無限量供應薯條,洋蔥圈同番薯條▪All Day menu另外加錢都有田園沙律,薯條,洋蔥圈,番薯條,飲品選擇☆ 手撕油封鴨脾三文堡 (All Day munu - 配田園沙律&飲品)好多鴨脾肉夾係三文治內,聞到好香鴨脾肉既煙燻味,經油封過鴨脾肉食起來好林,仲好有油香味,加埋醬汁食仲好味,最底放左淋左柚子汁既蕃茄同沙律菜,減輕左油膩感,真係唔錯☆ 慢煮挪威三文魚柳配北海道帶子 (Dinner set- 配番薯條)慢煮既三文魚柳外面好香脆,唔會煮得太過乾身,魚肉好嫩滑,入口即溶又冇腥味,仲有肉汁,完美保留左三文魚魚油既香味,帶子好大粒,食落好彈牙好好味☆ 菊花蜜因為天氣太凍,想點杯熱飲,本身菊花茶
店內裝潢充滿美式復古感覺,牆上掛左可愛既動物掛畫,座位仲好舒適寬敞,如果天氣好又唔凍,可以坐outdoor位置,感覺好chill!呢度主打牛排同牛排三文治,不過我想試下其他特別既菜式,食完味道都唔錯!!
餐廳有Dinner set同All Day menu供應
▪Dinner set配田園沙律,餐湯及餐飲
仲有無限量供應薯條,洋蔥圈同番薯條
▪All Day menu另外加錢都有田園沙律,薯條,洋蔥圈,番薯條,飲品選擇
☆ 手撕油封鴨脾三文堡 (All Day munu - 配田園沙律&飲品)
好多鴨脾肉夾係三文治內,聞到好香鴨脾肉既煙燻味,經油封過鴨脾肉食起來好林,仲好有油香味,加埋醬汁食仲好味,最底放左淋左柚子汁既蕃茄同沙律菜,減輕左油膩感,真係唔錯
☆ 慢煮挪威三文魚柳配北海道帶子 (Dinner set- 配番薯條)
慢煮既三文魚柳外面好香脆,唔會煮得太過乾身,魚肉好嫩滑,入口即溶又冇腥味,仲有肉汁,完美保留左三文魚魚油既香味,帶子好大粒,食落好彈牙好好味
☆ 菊花蜜
因為天氣太凍,想點杯熱飲,本身菊花茶只有凍飲,但店主好好,幫我地加熱,清甜既菊花蜜甜度剛剛好,菊花味好香好好飲
☆ 雪梨蜜
雖然都想轉為熱飲,但雪梨蜜好似凍飲好飲D,所以無加熱,雖然係凍D,不過飲到好香雪梨味,唔係好甜,仲好滋潤,味道唔錯!
Post
