azito (Closed)

今次想同大家分享呢間餐廳係我讀緊理大入面嘅azito😆，不過即使唔係學生都可以食嘢，平時就算放假有時經過尖沙咀都會特登返嚟。🔸🔸明太子雞翼定食 配 是日餐湯🔸🔸明太子雞翼雖然細細隻，但係好多肉好好味，仲要係好Juicy同埋好香明太子味。佢仲加咗好多配菜，連埋飯一齊食，完全唔會dry。是日餐湯都非常用心，好濃郁，好好飲。🔹🔹芝士牛肉自家製竹炭漢堡包 伴 薯條🔹🔹呢個漢堡包超足料，賣相方面好型格，竹炭漢堡包係黑色嘅，包身好鬆軟再加上邪惡芝士同有豐富肉汁嘅牛肉，超正😋另外，薯條都係金黃色，十分之香脆！仲叫埋飲品Earl Grey yuzu soda同Lemonade，都好好飲透心涼。