Luxury (Closed)

今日適逢好友聚會，特地搵左支靚酒大家分享，要搵間邊食邊傾計，又可以免開酒費，就係茫茫既美食海中搵到呢間Luxury，揀呢間食飯最鍾意個格調，一入門口已經有種溫暖既感覺，推開門又係一個美食天堂。一開始有麵包，餐廳非常細心準備咗唔同的芝士夾麵包，迎合唔同客人口味。Like左Facebook就送左碟蝦刺身，即like即送。刺身係原隻蝦，都幾新鮮好爽口，要讚！頭盤先黎一個 “薄切西班牙黑毛豬柳配意式吞拿魚醬”入口一陣濃郁既吞拿魚味，咬落帶有豬毛豬既肉感，入口即溶既感覺，回味無窮。當用完頭盤後，身後傳黎陣陣既松露香味，一轉身已看到一碗奶白色的湯，散發出香味，入口唔太濃唔太淡。壓軸好戲出場啦， “慢煮和牛面頰配薯蓉”，和牛肉質豐厚，軟熟恰當，配菜既薯蓉仲要入口唔太膩，成個主菜都相當有口感。朋友另外叫左一個 “芝士雞卷配時令蔬菜”, 雞卷入口非常有口感，唔會覺得好難咬，帶有唔太膩既芝士味，口感好有層次感。最後甜品上場， “伯爵茶慕絲蛋糕”，入口即溶，口感順滑，係口入面亦都帶出陣陣茶香，鍾意食蛋糕既我，俾呢個蛋糕十分滿分。總括黎講，成餐既CP值都唔錯，氣氛亦都相當適合好友聚會，開酒同切餅唔收任何費用，