Video
Read full review
2019-10-22
13 views
蒸氣石鍋早幾年前好鬼興，但近年好似熱潮已過，唔再係好多地方可以食到。外國朋友返黎香港探親，話好想試下，所以我就搵左呢間近佢住嘅地方，位於天文臺圍嘅寶軒酒店內嘅餐廳。餐廳面積唔大，人多可以包一間房，私隱度極高，除左侍應之外無咩人會入去甚至經過。由於我地只有兩個人，所以只能係揀開放式座位啦。餐牌上選擇都好多，可以散叫亦都可以叫套餐。唔想煩嘅我地叫左個每位$328嘅「 有蒸氣石鍋海鮮餐」，除咗有好多海鮮外，仲可以揀湯底或粥底添。沙包蜆:味道鮮甜肉厚多汁，亦都幾有海水味。大連鮑魚:鮑魚鮮嫩大隻，加左蟲草去蒸，時間剛剛好，咬落去唔韌，入口新鮮爽口彈牙，一咬斷開。竹串海中蝦:每人都有兩隻，雖然唔係好大隻，但係拆開後都幾好肉，肉質爽彈，亦都好有鮮蝦味。日本元貝:元貝算幾大隻同肥厚，加入蒜蓉同粉絲去蒸，食落厚肉爽口，粉絲吸收晒醬汁嘅精華後感覺更惹味。清蒸美國筒蠔:筒蠔大大隻，海鮮味重，味道濃郁，蒸得剛剛好，非常好味。薑蔥蒸鮮魷:鮮魷彈牙爽甜，配上豆卜一齊蒸，時間控制得剛剛好，食落好有口感，唔會過老，值得一讚。金銀蒜蒸勝瓜:呢個勝瓜腍度適中， 蒜茸味都好入味， 清淡鮮甜。手剁豬肉丸及墨魚丸:豬肉丸係以新
餐廳面積唔大，人多可以包一間房，私隱度極高，除左侍應之外無咩人會入去甚至經過。由於我地只有兩個人，所以只能係揀開放式座位啦。餐牌上選擇都好多，可以散叫亦都可以叫套餐。唔想煩嘅我地叫左個每位$328嘅「 有蒸氣石鍋海鮮餐」，除咗有好多海鮮外，仲可以揀湯底或粥底添。
沙包蜆:味道鮮甜肉厚多汁，亦都幾有海水味。
大連鮑魚:
鮑魚鮮嫩大隻，加左蟲草去蒸，時間剛剛好，咬落去唔韌，入口新鮮爽口彈牙，一咬斷開。
竹串海中蝦:每人都有兩隻，雖然唔係好大隻，但係拆開後都幾好肉，肉質爽彈，亦都好有鮮蝦味。
日本元貝:元貝算幾大隻同肥厚，加入蒜蓉同粉絲去蒸，食落厚肉爽口，粉絲吸收晒醬汁嘅精華後感覺更惹味。
清蒸美國筒蠔:筒蠔大大隻，海鮮味重，味道濃郁，蒸得剛剛好，非常好味。
薑蔥蒸鮮魷:鮮魷彈牙爽甜，配上豆卜一齊蒸，時間控制得剛剛好，食落好有口感，唔會過老，值得一讚。
金銀蒜蒸勝瓜:
呢個勝瓜腍度適中， 蒜茸味都好入味， 清淡鮮甜。
手剁豬肉丸及墨魚丸:豬肉丸係以新鮮豬肉手剁，再加入少少馬蹄同埋其他材料整成既，肉質好嫩滑，味道濃而多層次，至於墨魚丸更加係爽口彈牙，好好味。
粥底:呢個排骨粥係全晚重頭戲，一開始未蒸任何食物時已經放入鍋底，材料可以係
-南瓜/番薯/菜乾/黃豆/鮮腐竹/粟米/乾瑤柱 (揀一樣)
-配排骨或雞
我地揀左南瓜同埋排骨。
呢個粥底係全餐飯之中我最期待嘅，個粥係經過多輪唔同海鮮同餸菜既蒸氣精華「蒸」成嘅，由本來嘅珍珠米，排骨同南瓜，過左1個鐘頭之後，終於變成好多粥水嘅南瓜排骨粥。粥呈米黃色，口感綿滑，吸晒排骨嘅味道，鹹鹹地，好入味。
總括黎講呢度嘅食物份量適中，又有專人幫你計時同逐道菜夾上蒸籠同上碟，以三百幾幾蚊呢個價錢可以享受到咁嘅食材同服務，算係性價比高。
Post
