The Galley by Cafe Proud Wings (Closed)

之前防疫措施未放寬嘅時候，大家都冇得飛，都好想搵啲代替品過吓旅行隱，除咗去 Staycation 之後，呢間餐廳都係好嘅選擇，雖然而家大家都可以出外旅行，但係話飛就飛咩？唔使攞假咩？未有假之前可以先去呢間飛機餐廳感受吓先！餐廳位於大角咀，行到去嘉善街街尾先見到，唔易搵嘅，但係就好有型，用飛機設計，裡面嘅裝修擺設座位甚至連個窗，都做到好似。比較鍾意食嘅係大蝦意粉，仲有鵝肝多士等等，整體嚟講都幾好味，最重要係好多打卡位，美中不足之處係對面有間回收舖，門外環爭少少。