肆年八月米線專門店 (Moved) New Location

午飯時間到，一樣上網搜尋一番，最後選這間個人覺得比較特別的小店，用住手機地圖搵，都算幾經辛苦走到來。上網搜尋到此店並了解餐牌，原本相食米線，但小弟極怕芫茜，又唔食得辣，蕃茄湯又麻麻地（ 即係無款啱食），雖然米線專門店唔食米線有點可惜，但無法啦，只好選招牌滷什匯飯。賣相靚仔，份量足，滷味唔錯，滷蛋如果是半熟糖心蛋就仲好，鴨肉有點老，雞腎正常，最出色是大腸。可惜小弟太揀飲擇食，不過相信滷味是他們的主打之一，不過有唔少地方可以改善。因為微雨，小弟坐店外坐位，難免有唔少蚊滋（雖然店員已經點了蚊香）。人手得兩位，容易令店外客人無人理。最後，64蚊滷味飯有點中上價，所以食物同預想中有點落差。