小帝餃子館 (Closed)

荃灣呢間餃子店 ，鋪頭既位置比較隱蔽，唔係太多人會知道。就算今日係星期日既午餐時間，鋪頭人流都唔算好多。個環境係乾淨企利，老闆都好熱情招待客人既。最緊要係佢既餃子係好好味。如果有機會呢到荃灣，又係餃子迷，不坊試一下呢間餃子店。水餃同樣係好薄皮，可能太薄皮，有幾粒皮係爆開左，但係唔影響口感，皮依然係滑身，少少彈牙。芫荽味特出，牛肉都夾既。個湯底鋪頭稱係無味精，用左花膠豬骨湯，隨湯仲附送左一舊紅蘿蔔同粟米，飲落去清清地，感覺幾健康架！最後，呢間鋪無論係湯餃同煎餃個味道都係好味，唔會話個餡好重口，絕對係好味版自家風味餃子。不過，值得一提，佢既餃子包得比較細粒，叫十粒啦，或者加埋個麵底，就食得更加滿足啦～個名好特別，佢叫盒子。其實就係一個煎餃子，不過就包到好似盒一樣。唔知關唔關餃子個外型係扁扁地既原故，令到皮好薄，每一粒都煎到金黃色嫁，好香脆，食左好多粒都唔會覺得好油膩，至於個韭菜餡，韭菜食到係好新鮮，韭菜味濃，韭菜既表面飽滿，有水份，係好食既。食得辣既朋友，記得點埋個香辣菜脯，令到成個餃子既味道更加昇華。不過呢，如果餡料包得再豐盛D既話，就更加完美啦！