Muse Furniture Lab (Under Renovation)

第一次去就愛上左，好想去多次去打卡食野❣️叫左2個意粉、1個小食同2杯野飲，全部都好好食😋溫泉蛋燒汁牛仔肉意粉，無想過西式餐廳都可以煮到有啲鑊氣，好香，好夠味。煙三文魚配奶油芝士意粉，依個真係好出色😍😍超級鍾意食！好creamy、但又唔會好漏，又好夠煙三文魚，唔會只係得少少，好足料！芝士肉醬大啡菇配薯條，依個都好正，因為個大啡菇好有汁，食落又好有層次，真係好yummy，加上我又好鍾意食薯條同菇，依個配搭真係滿足哂我。🥰飲品叫左石榴熱情果梳打、同芒果沙冰，兩杯都好夠味，梳打個杯既冰都有香草係入面，真係好靚😊唯獨依個地方比較偏遠，無車既話真係唔係咁易去。但食同環境真係很好！