Brick by Brick

Open Now

Now Closed

聽同事講蘇豪區有間好隱世既小店食地道馬拉菜, 而且堅持唔加味精, 出街食都可以食得健康d。 係中環扶手電梯一直上, 好快就到, 但係間鋪就難搵少少。店舖環境舒服寧靜, 但座位不多, 有高枱可以選擇飲幾杯。野食選擇唔算太多,叫左2個小食加1個主食同1個甜品。 泰式酸辣無骨鳳爪, d鳳爪好大隻又爽口彈牙, 加埋紅蘿蔔跟生洋蔥絲, 味道不算辣, 清新又開胃，而且份量超級多。脆炸一口雞, 要左梅子口味, 炸雞塊帶皮, 粉漿不厚但好脆口, 充滿肉汁, 加埋梅子粉酸甜中和油膩感, 完全無罪惡感。 主食叫左札肉雞絲喇沙湯麵, 喇沙湯底味道非常清新不會辣, 鮮甜味都係來自大量蔬菜、香料, 配料除左有雞絲札肉外, 重有蛋豆卜芽菜, 豆卜吸湯夠正, 麵底系摻摻即是油麵加米粉, 口感好豐富。 佢地有個好特別既甜品係椰絲咖椰薄餅, 原本以為好甜, 點知原來剛剛好, 椰絲好清香, 個薄餅又夠香脆, 一個人都可以食一份。原來餐廳自家出左肉骨茶同咖喱喇沙急凍包, 只需翻熱就食得好方便。堂食完都可以買d番屋企試下。