舍利鮨 (Closed)

-🔸鰆魚壽司🔸大拖羅壽司🔸春子鯛壽司🔸醬油漬中拖羅壽司🔸蘋果木煙燻赤鯥🔸毛蟹蒸蛋🔸味噌湯🔸清酒-放假同屋企人食好啲，嚟咗依間新開張嘅日式壽司店嘗鮮，點知又幾高質幾好味喎！壽司食咗好幾款魚類，由啖口味食到最愛嘅大拖羅，全部都係落單即場手握，感覺高質專業，而且全部都用料新鮮，最愛嘅大拖羅簡直齒頰留香啊！主食就食咗煙燻赤鯥，配嘅係蛋黃醬油，帶出魚肉嘅鮮味，而且肉質厚得嚟入口帶點魚油同煙燻香氣，非常特別。仲有蛋控必食毛蟹蒸蛋，以啖啖蟹膏蒸嘅水蛋，又滑又香，勁正！