麺屋·隠 (Closed)

約左朋友去大棠睇紅葉，於是就喺元朗搵下有咩好食，結果搵到呢間非常唔錯既日式拉麵店。舖頭唔算大，但係座位又唔會太逼。我同朋友分別叫左白隱、赤隱，然後再加左兩樣小食︰紫芋丸、蒲燒鰻魚串。點餐既時候留意到提供既係鉛筆，原來佢哋係會重用返d點餐紙，非常環保。點餐紙點餐紙小食menu拉麵menu赤隱赤隱+白隱赤隱︰除左有叉燒仲有辣肉丸，辣肉丸其實就係一堆辣肉末，加埋入湯底會更濃/就咁食就辣辣地，好食白隱︰湯底幾濃，唔錯值得一提係叉燒超腍，係夾既時候會散左夾唔起，好正紫芋丸、蒲燒鰻魚串紫芋丸︰好脆，多餡，芋頭味都ok，超好食蒲燒鰻魚串︰燒得好香，個底係燒到脆身，我自己最鍾意呢種帶有少少脆既鰻魚食物高質，店員都好有禮貌，雖然店入面座位唔多，但係要排隊既話都係值得等既。