Video
Read full review
2019-05-03
55 views
同個大學同學今日終於present完畢業論文 同結束左一年嚟嘅艱辛 當然要食餐好嘅賀一賀佢 咁啱大家都想食日本嘢 就嚟到長沙灣喜薈廣場1樓嘅yuyu sushi 食好西內裏環境都幾乾淨 充斥著傳統嘅日式裝修同埋日式餐具 而餐牌亦都琳瑯滿目 有好多唔同嘅選擇 而我就選擇左一份晚市定食 一個手捲 一份小食 同埋一份 signature卷物 非常豐富 誓要將四年嘅學業上嘅壓力宣洩出嚟日式咖哩吉列黑豚豬扒丼 ( 連前菜餐湯) ($98)前菜係一份沙律 同麵豉湯 店家亦都非常貼心 應該係因為唔想吉列豬扒浸淋 所以日式咖哩同埋黑豚豬扒係分開上嘅 日式咖哩係甜甜地嗰隻 入面有蘿蔔薯仔等等嘅配料 更添咖哩嘅香味 而吉列豬扒炸到金黃香脆 肉質鮮嫩之餘 又唔會太油 對我呢個吉列豬扒控嚟講 呢份吉列豬扒丼 絕對對得起佢嘅價錢鰻魚青瓜手捲($32)鰻魚手捲入面加上青瓜 可以中和番鰻魚嘅甜味 加上呢間舖頭絕不吝嗇落鰻魚汁 唔會好似其他鋪頭咁食到中段就冇曬味炸軟殼蟹小食($48)炸軟殼蟹可以用高質嚟形容 完美詮釋咗外脆內嫩 連皮都食埋嘅感覺 隔離仲配上咗好少見嘅 wasabi 醬 每一口炸軟殼蟹都充滿著刺激嘅味道
內裏環境都幾乾淨 充斥著傳統嘅日式裝修同埋日式餐具 而餐牌亦都琳瑯滿目 有好多唔同嘅選擇 而我就選擇左一份晚市定食 一個手捲 一份小食 同埋一份 signature卷物 非常豐富 誓要將四年嘅學業上嘅壓力宣洩出嚟
日式咖哩吉列黑豚豬扒丼 ( 連前菜餐湯) ($98)
前菜係一份沙律 同麵豉湯 店家亦都非常貼心 應該係因為唔想吉列豬扒浸淋 所以日式咖哩同埋黑豚豬扒係分開上嘅 日式咖哩係甜甜地嗰隻 入面有蘿蔔薯仔等等嘅配料 更添咖哩嘅香味 而吉列豬扒炸到金黃香脆 肉質鮮嫩之餘 又唔會太油 對我呢個吉列豬扒控嚟講 呢份吉列豬扒丼 絕對對得起佢嘅價錢
鰻魚青瓜手捲($32)
鰻魚手捲入面加上青瓜 可以中和番鰻魚嘅甜味 加上呢間舖頭絕不吝嗇落鰻魚汁 唔會好似其他鋪頭咁食到中段就冇曬味
炸軟殼蟹小食($48)
炸軟殼蟹可以用高質嚟形容 完美詮釋咗外脆內嫩 連皮都食埋嘅感覺 隔離仲配上咗好少見嘅 wasabi 醬 每一口炸軟殼蟹都充滿著刺激嘅味道
Yuyu繽紛卷 (炸軟殼蟹牛油果) ($98)
呢個賣相咁靚嘅Yuyu繽紛卷一聽就知係signature 卷物 呢份卷物外層就係厚厚嘅牛油果 內層就係炸軟殼蟹 食落好creamy 健康得嚟又帶少許邪惡 值得一試
Post
