Video
Read full review
2018-10-14
91 views
雖然平時都黎得多屯門，但每次都唔會去到咁入，因為屯門一入就真係好似番左鄉下咁。今次因為當地朋友誠推，就專登黎到洪水橋食甜品，我諗呢間甜品鋪，當地人應該無所不知，因為當地就得呢一間係食甜品😂😂中西式嘅甜品都有，選擇頗多。法式焦糖燉奶。上面燒左燒焦糖面，加埋好濃郁嘅牛奶香，係好正！燉奶唔算好滑，但厚實感令人好滿足。超級榴槤山。出面好少有榴槤味嘅錦錦冰，所以身為榴槤控嘅我，一見到就毫不猶豫咁嗌左。榴槤冰好濃味，榴槤球更加係濃味，有埋榴槤粒粒係入面，係食得出嘅足料！不過略嫌佢賣相真心麻麻，所有野都係白色到淡黃色，冇對比色之下，激發唔到食慾。木瓜3.6奶昔。又係一個足料之作，食得出嘅冇溝水，因為真係好杰身。木瓜唔夠甜，不過都好彩冇加糖，飲完覺得自己健康左。總括黎講，係意想不到地咁高質，有大大嘅驚喜，性比價好高，值得搭多兩三個站輕鐵黎食。
雖然平時都黎得多屯門，但每次都唔會去到咁入，因為屯門一入就真係好似番左鄉下咁。
今次因為當地朋友誠推，就專登黎到洪水橋食甜品，我諗呢間甜品鋪，當地人應該無所不知，因為當地就得呢一間係食甜品😂😂
中西式嘅甜品都有，選擇頗多。
法式焦糖燉奶。上面燒左燒焦糖面，加埋好濃郁嘅牛奶香，係好正！燉奶唔算好滑，但厚實感令人好滿足。
超級榴槤山。出面好少有榴槤味嘅錦錦冰，所以身為榴槤控嘅我，一見到就毫不猶豫咁嗌左。榴槤冰好濃味，榴槤球更加係濃味，有埋榴槤粒粒係入面，係食得出嘅足料！不過略嫌佢賣相真心麻麻，所有野都係白色到淡黃色，冇對比色之下，激發唔到食慾。
木瓜3.6奶昔。又係一個足料之作，食得出嘅冇溝水，因為真係好杰身。木瓜唔夠甜，不過都好彩冇加糖，飲完覺得自己健康左。
總括黎講，係意想不到地咁高質，有大大嘅驚喜，性比價好高，值得搭多兩三個站輕鐵黎食。
Post
