Video
Read full review
2021-04-28
498 views
元朗真係好多好嘢食，雖然呢間小店開咗喺條後巷度，要搵路都有少少難度，不過嚟到嗰時都係排晒長龍！😵因為鋪頭細細唔係好多位坐，本身都有掙扎等唔等好，但係為食嘅心驅使我地乖乖地留底等，食完就明點解咁長龍😌🔺牛肋肉定食廚師好細心放咗牛嘅肥膏喺石板上面，將啲油搽均表面，啲牛肉燒出嚟就更香，亦唔會痴底。牛肉肉質好軟熟，薄切好啱送飯食。🔺吉烈牛定食未試過出面係吉烈但係入面仲係生牛肉，俾我地自己燒，可以自行決定煎到有幾熟😋 外脆內軟，好特別嘅口感，味道都好好😍🔺芝士黑松露吉列豬扒本身以為同芝士一齊撈埋喺豬扒入面再炸，原來黑松露只係個醬，豬扒有少少"鞋"同乾。食完煎炸食物，最後飲埋個豆腐蕃茄湯濕返個口😛 欣賞佢地嘅刀功切到個豆腐好似朵花咁🌼以呢個平民價錢食到高質嘅食物，性價比極高，排隊等幾耐都要等啦🤪
🔺牛肋肉定食
廚師好細心放咗牛嘅肥膏喺石板上面，將啲油搽均表面，啲牛肉燒出嚟就更香，亦唔會痴底。
牛肉肉質好軟熟，薄切好啱送飯食。
🔺吉烈牛定食
未試過出面係吉烈但係入面仲係生牛肉，俾我地自己燒，可以自行決定煎到有幾熟😋 外脆內軟，好特別嘅口感，味道都好好😍
🔺芝士黑松露吉列豬扒
本身以為同芝士一齊撈埋喺豬扒入面再炸，原來黑松露只係個醬，豬扒有少少"鞋"同乾。
食完煎炸食物，最後飲埋個豆腐蕃茄湯濕返個口😛 欣賞佢地嘅刀功切到個豆腐好似朵花咁🌼
以呢個平民價錢食到高質嘅食物，性價比極高，排隊等幾耐都要等啦🤪
Post
