CHiLL-i (Closed)

呢日去觀塘學跳舞，去上堂之前就去咗附近既工廈食dinner，第一次食呢間西餐廳，估唔到工廈入面都臥虎藏龍，有咁高質既食物。打開餐牌，見到有6款set dinner ，另外單點既菜式都幾多選擇。我地點左兩個晚市套餐，跟餐有沙律，沙律配上柚子醋汁，好fresh。仲有餐湯同橄欖油多士，呢日既餐湯係蘑菇湯，飲落去好香濃，會食到有粒粒蘑菇，真材實料。多士係好實淨既歐式麵包，烘到好香脆，正。主菜方面，我地點左勁芝煙肉焗長通粉，呢個看似普通既菜式食落去勁好食，長通粉上有好多芝士，加埋煙肉、番茄同埋香草，勁惹味。另一個主食係扒紐西蘭原條檸檬脷魚。烤魚好大條，配上檸檬醬汁，好開胃。小食方面，點左扭扭薯條，熱辣辣好好食。 餐飲都唔錯。