Video
Read full review
2018-08-28
1764 views
呢間餐廳好值得推介大家去，材料豐富味道有水準同時價錢十分平民，只係位置有d隱世，位於紅磡廣場後面，留意返餐廳逢星期六休息，要去既就要一至五或者星期日去。招牌醉雞翼係凍食，聞落好香酒味，雞翼每隻都破開左做單骨，方便食用。酒味香濃不嗆，浸住的紅油有好微的辣，味道以香為主，連雞皮都浸透了醬汁的香味。老麻抄手的味道由酸，辣，麻組成，可以分別選擇大中小麻/辣，店員話紅油唔代表辣，所以都放心叫了中麻中辣。抄手不死辣，辣得黎好香，麻又唔會麻到嘴脣變孖潤腸，抄手皮薄餡靚肉嫩，餃皮仲好滑。 必叫之一的錫紙貝殼粉賣相好特別，辣度都可以揀。今次揀左清辣，姐係用青椒去製造辣味，湯底好清同時好夠鮮味，貝殼有差不多十一粒，而且新鮮無沙，加6或8蚊仲可以追加多款配料。粉絲滑而彈牙，唔易斷，整體份量好大好抵食。津市牛肉麵又係大大兜，湯底香濃，麵底爽滑彈牙同樣唔易斷，牛肉超唸超多汁，肉質鬆化同時唔爛，好有水準。追加的墨汁花枝丸彈牙又重花枝味，生菜吸左牛肉汁更加惹味。鴻福堂雪梨海底椰解渴之選，清甜消暑，大大支仲好襟飲。蘭香籽豆漿好香豆味，味道真係低糖，粒粒脆卜卜的蘭香籽更為豆漿增加多層口感。最後因為雞翼太好食，仲額外打包
招牌醉雞翼係凍食，聞落好香酒味，雞翼每隻都破開左做單骨，方便食用。酒味香濃不嗆，浸住的紅油有好微的辣，味道以香為主，連雞皮都浸透了醬汁的香味。
老麻抄手的味道由酸，辣，麻組成，可以分別選擇大中小麻/辣，店員話紅油唔代表辣，所以都放心叫了中麻中辣。抄手不死辣，辣得黎好香，麻又唔會麻到嘴脣變孖潤腸，抄手皮薄餡靚肉嫩，餃皮仲好滑。
必叫之一的錫紙貝殼粉賣相好特別，辣度都可以揀。今次揀左清辣，姐係用青椒去製造辣味，湯底好清同時好夠鮮味，貝殼有差不多十一粒，而且新鮮無沙，加6或8蚊仲可以追加多款配料。粉絲滑而彈牙，唔易斷，整體份量好大好抵食。
津市牛肉麵又係大大兜，湯底香濃，麵底爽滑彈牙同樣唔易斷，牛肉超唸超多汁，肉質鬆化同時唔爛，好有水準。追加的墨汁花枝丸彈牙又重花枝味，生菜吸左牛肉汁更加惹味。
鴻福堂雪梨海底椰解渴之選，清甜消暑，大大支仲好襟飲。
蘭香籽豆漿好香豆味，味道真係低糖，粒粒脆卜卜的蘭香籽更為豆漿增加多層口感。
最後因為雞翼太好食，仲額外打包左一盒返屋企加餸，食咗咁多咁好食嘅嘢都係差不多$100一個人，性格比不是一般的高。
Post
