鯛魚魚湯專門店 (Closed)

今日居然係側魚涌塭到一隱世美食，接太太放工，路過側魚涌海堤街，見到有間叫（鯛魚）魚湯專門店，應該係新開嘅，以前都唔覺有係度，就入去試吓，太太揀咗一個吉列豬扒定食，飲品要熱蘋果樂園，我就睇咗好耐都唔知食乜好，因太多選擇，侍應見我好似有選擇困難証咁，就推介我食鯛魚濃湯鮮蟹湯飯，飲品要凍嘅魔幻王國，加多一個小食係餃子雞翼，飲品先到，我杯魔幻王國原來係羗茶呢嘅，但羗味濃郁，跟住就係小食餃子雞翼啦，炸到金黃色，皮好脆，其他兩款主菜差不多同一時間上，吉列豬扒定食包括有小食凍茄子，麵鼓湯，一大塊吉列豬扒同沙律菜，白飯一碗，一個定食套餐有咁多嘢食，真係超值，我嘅鮮蟹濃湯飯都好大碗，有個小火爐係嗰碗底下保溫，蟹好大肥美，又大，又鮮甜，鯛魚湯味道濃，一大碗鮮蟹鯛魚湯飯好快俾我食哂，下次再來試吓其他湯飯。