Video
Read full review
2018-11-26
240 views
位於元朗嘅壽司店《鮨文》，門面低調，卻來頭十足。 由於食材當造新鮮，客人品嘗過之後， 將那份滋味口耳相傳，因而聲名大噪。《鮨文》係一家主打Omakase嘅高級壽司店。 大廚會隨每個季節，選擇最當造嘅食材， 為客人度身訂做menu， 保證每次品嚐都務必有驚喜。大廚更會詳盡地介紹各種食材，由產地、盛產期、做法和特色等都會介紹給客人，保證肚子滿足之餘， 亦能增加對食材嘅認識， 對於食左咩落肚都會記憶猶新。大廚對每個細節都一絲不苟，就連簡單漬物都別出心裁。【慢煮山藥】 山藥即係淮山，係一種非常有益嘅食材 滑潺潺嘅口感來自其黏液， 當中含有消化酵素，滋補養生。 大廚用慢煮方式烹調，用 60度慢煮四小時，能夠保持其爽脆口感， 食落索索聲 ，非常特別。 加上用咗wasabi調味， 食落更為開胃。【白子】 用「白雪雪，滑捋捋」嚟形容呢樣食材就最適合不過。白子選用咗鱈魚嘅精子，口感creamy，就如豆腐一樣細滑。聞說女士食完可以養顏， 男士補身。 由於魚油味較強，有一定魚味，加上少少檸檬酸汁， 就可以撇除那份腥味。【 北海道秋刀魚卷】 秋刀魚喺 9-11月秋季盛產，油香澎湃，魚味濃。 秋刀魚卷用紫菜包裹
大廚更會詳盡地介紹各種食材，由產地、盛產期、做法和特色等都會介紹給客人，保證肚子滿足之餘， 亦能增加對食材嘅認識， 對於食左咩落肚都會記憶猶新。
大廚對每個細節都一絲不苟，就連簡單漬物都別出心裁。
【慢煮山藥】 山藥即係淮山，係一種非常有益嘅食材 滑潺潺嘅口感來自其黏液， 當中含有消化酵素，滋補養生。 大廚用慢煮方式烹調，用 60度慢煮四小時，能夠保持其爽脆口感， 食落索索聲 ，非常特別。 加上用咗wasabi調味， 食落更為開胃。
【白子】 用「白雪雪，滑捋捋」嚟形容呢樣食材就最適合不過。白子選用咗鱈魚嘅精子，口感creamy，就如豆腐一樣細滑。聞說女士食完可以養顏， 男士補身。 由於魚油味較強，有一定魚味，加上少少檸檬酸汁， 就可以撇除那份腥味。
【 北海道秋刀魚卷】 秋刀魚喺 9-11月秋季盛產，油香澎湃，魚味濃。 秋刀魚卷用紫菜包裹著酸薑、 蔥花和白蔥。酸薑帶甜，薑味能闢腥， 蔥花、白蔥就能增加爽脆口感，同肥美彈牙嘅秋刀魚形成強烈對比，卻非常匹配。
【香箱蟹】 體型嬌小嘅香箱蟹， 重點在於其蟹膏以及蟹籽。 香箱蟹其實係雌性嘅松葉蟹。 為咗保育， 一年之中，只有11月6日至12月31日為解禁期， 才可以品嘗到這款珍貴嘅蟹。 所以想品嚐到嘅就要捉緊尾巴。 香箱蟹嘅蟹膏實淨，味道香濃，鮮味十足，蟹籽脆卜卜， 加埋手拆蟹肉， 放喺蟹蓋上面一拼品嚐， 據說因而得「香箱蟹」這個名稱。
熟食
【香煎和歌山鱸魚】 呢一度菜式帶點西日fusion感覺。鱸魚魚皮經過香煎，金黃嘅魚皮香脆，魚肉細滑。 下邊放有日本大根，白蘿蔔炆得非常之軟淋，清甜得嚟又冇渣。 配以用牛油打成的白麵鼓醬， 味道適中，較為清淡，唔會搶咗鱸魚嘅風頭， 亦能令清甜嘅白蘿蔔層次提升。
【青森縣剝皮魚配魚肝】， 剝皮魚嘅魚肝比魚肉更為矜貴， 魚肝佔魚身三分之二， 呢一款白魚味道清爽，油份較少， 口感不油不膩。 重點在於上面嘅魚肝， 口感creamy，味道肥美， 可媲美另一日本著名食材鮟「魚康」魚肝。
上為【島根縣大拖羅】 呢一款Kama Toro，位於魚頭和魚腩中間嘅魚鮫位， 份量少所以較為珍貴， 只佔吞拿魚三%左右。魚肉顏色偏淡， 脂肪豐盈，佈滿雪花。 經過一日熟成後， 筋肉軟化，由於脂肪非常豐富，脂肪融合於魚肉之中，質感入口即溶。
下為【和歌山大拖羅】 大拖羅位於魚腩部分， 由於大條吞拿魚筋肉部分較為硬， 所以需要較多熟成時間，七天後，筋肉部分軟化，白身部分入口即溶， 油份充斥著整個口腔， 徘徊不散。
【 大分縣鯖魚壽司】 鯖魚含有豐富DHA， 尤其是秋季出產嘅青魚油脂恰到好處。唔講唔知，大分縣出產嘅鯖魚用人手釣而並非網撈， 由於冇碰撞， 唔會有瘀血， 食落肉質更為結實，魚味亦更濃郁。
【醬汁漬三文魚籽壽司】 三文魚籽脹卜卜，晶瑩剔透，有別於平時食到嘅醬油漬三文魚籽，鮨文嘅漬三文魚籽由師傅自己醃製， 特別加入咗清酒嚟煮，酒精揮發後， 餘下酒香和清甜， 令到鮮味提升。 用筷子將一粒三文魚子夾起， 更能感受到那份彈牙，飽滿。 咬落清脆利落， 喺口腔內爆發， 怪不得能成為壽司店嘅招牌。
【北海道函館市赤海膽飯】呢碗海膽飯一端上枱令人嘆為觀止， 海膽分量奇多，幾乎滿瀉。 赤海膽盛產於秋季，色澤程鮮艷嘅柿色 。赤海膽令人欲罷不能嘅原因在於佢口感細膩幼滑，那份鮮味來自鮮味氨基酸，回甘十足。 大口大口地將海膽飯放一口， 那種奢華感覺， 實在令人振奮。
【火炙左口魚卷】 傳統日本人推崇白身魚， 當中以左口魚最為人所熟悉。 左口魚肉身結實，油份充足，經過火炙之後， 魚油入口即溶， 油香喺口腔徘徊揮之不散， 呢點應該係左口魚為人所愛戴嘅原因。
飯後果物
【靜岡縣哈蜜瓜配長野縣香印青提】 靜岡縣哈密瓜稱為蜜瓜中嘅王者，喺臨食之前輕輕噴上 whisky， 模仿哈密瓜成熟後發出嘅發酵酒香，入口如冬蜜般清甜，加上淡淡酒香，令層次提升。 香印提子係近期被熱捧嘅提子， 帶有清新花香味， 入口爽口香甜，令人回味無窮，一試愛上。
Post
