語命Cafe (Closed)

同姊妹喺旺角想搵個地方傾下計又唔想嘈又唔想比人趕走, 就搵到呢間喺先達樓上嘅cafe, 就喺正小巴站頭入口.非常方便叫左呢個香蒜煙肉車厘茄意粉, 好香口,好簡單嘅配料但份量超多, 我認為佢比嘅煙肉份量係出面餐廳的三倍。麵質又剛好, 沒有過淋。香蒜虎蝦炒意粉, 同樣地用料出奇多, 虎蝦有六隻(由於我急不及待隊左兩隻先記得影相所以此圖只見四隻)虎蝦好爽口彈牙的, 沒有一浸雪味。後面高身的是"金牛座"熱情果梳打 ,好味而且沒有死甜。前面的是"處女座"玫瑰乳酸沙冰,以為玫瑰味會唔夠乳酸出, 點知又好驚喜喎, 好好飲, 明顯的玫瑰香味, 乳酸甜度好適中. 好好飲, 好舒服,感覺好match。最後其實我都想玩下塔羅牌咖... 不過到走嘅時間先知原來要問佢地, 佢地先會安排咖。以上面食物質素, 地方嘅方便程度 , 我絕對要再次光臨, 唯有下次我放膽D 問下啦。