幸福森林咖啡館 (Closed)

隱世咖啡室，本身想試咗好耐，咁啱男朋友放假揸車入去，元朗市中心去到嗰度大概車程10分鐘，有車位泊車。去到人比較多，可能因為假日好多預留咗枱如果想坐indoor,我諗要提早預約，外邊小小熱，不過，見好多朋友仔會狗狗嚟呢度一齊食嘢。氣氛都唔錯環境清幽。Orange Americano上層係Americano，下層係香甜嘅橙汁，先飲上層咖啡嘅香甜味，攪勻左之後，橙汁變成主調，但個底又仲會飲到淡淡嘅咖啡，無淨係飲橙汁咁甜，都幾得意，飲落好fresh好清新。仲嗌咗漢堡包同意粉添～材料好新鮮。下次會再嚟。