居酒屋·姫 (Closed)

今日去朋友家拜年🧨🧧，朋友家位於天文台道斜路最上士德福山景酒店嗰段，撐上去見到新開咗間居酒屋，咁就同朋友一家中午去咗試吓～環境：店子不太大，和式木系裝修，枱不多，約五，六張四人枱，坐得都舒服嘅～另外看到有間VIP房，因為入面有人客，所以睇唔到入面係點😅食物：見有lunch set,不過我哋想散叫😬我哋除咗壽司冇試，都叫咗好幾樣嘢～刺身👉夠新鮮！前菜漬物👉配搭都幾特別～串燒👉師傅燒得剛剛好，尤其牛舌心質素很高～料理👉阿波美雞🐔雞味濃，但調味比較淡，可改善～ A4和牛🐮就非常嫩滑，吃完要再叫一碟👍）生啤🍺👉買一送一，抵飲～其他食物就正常發揮咁啦～招呼：經理哥哥非常殷勤，冇話硬推貴價野，另外兩位侍應姐姐都笑容滿面，加茶換碟也自動波，最怕去幫襯遇著啲西口西面！咁樣幾好食都冇用。價錢：中等價位，仲有85折，食物分量唔少，所以算係抵食😆總結：尖沙咀區居酒屋嚟講，呢間算平靚正、出品有heart~回頭率極高！