后座冰室 (Closed)

喺銅鑼灣食野真係一D都唔平，就算茶餐廳平均都六，七十蚊😅。今日無心插柳地見到呢間后座冰室，個名真係貼切，因為正正喺女人街既最後面，唔係咁容易見到😂😂。唔怪之得D野食唔貴，午餐$55，呢個價有湯有野飲，真係好抵。今日試下皇牌咖哩雞扒長蟹柳飯 $55個例湯就係一般茶餐廳貨色，正常啦，都唔會係水汪汪既😁。個飯都好有份量，果然係長蟹柳，好大條😂😂。雞扒煎得香脆，不過唔知係雞扒有香草味定咖哩有香草味，食落有少少香草味道，同個咖哩唔係好夾，咖哩普通左少少，唔太特別🙂。不過呢個價錢咁大碟，又真係好抵食😋。如果lunch 食個快飯都係唔錯既選擇。