CHIMPZ (Closed)

銅鑼灣渣甸坊相信大家都唔陌生，左右都擺滿一系列排檔，原來在那轉角位就有一間日系西餐店「CHIMPZ」。進店外發現那綠悠悠的裝潢，配上猩猩裝飾擺設，突然好像走入樂園之中。主食套餐優惠+38蚊就可以(4選2）：是日餐湯、田園沙律、熱飲自選、凍飲自選，都咪話唔抵。清酒茴香汁煮蜆來到時已聞到香噴噴的清酒香味，而且見到每粒蜆肉都大粒飽滿，入口蜆肉滑溜，味道鮮味，真是一道不錯的餐前小食！厚切黑毛豬鞍架配香煎菠蘿及抱子甘藍(菠蘿汁)厚切黑毛豬鞍架配上菠蘿汁比較少見到，但又出奇地配合，黑毛豬鞍架肉質厚身，外層香脆，內層仍保持肉汁豐盈，還有香煎菠蘿及其菠蘿汁，酸酸甜甜更添層次。厚切西冷牛扒配紅菜頭蕃薯蓉及雜菌西冷牛扒表面煎至焦香，輕輕切開見到其肉質粉嫩，牛味香重，旁邊更有黑松露和牛油，略略添加在牛扒上，食起來更Juicy。CHIMPZ 法式焦糖燉蛋即叫即作快炙焦糖，上枱時小心燙手呀！表面燒出一層甘香的脆焦糖，剔透金黃，而燉蛋綿滑緊緻，夾在一起更是冷與熱的交融，微甜不膩。最後原來佢地仲有夏日任務卡，做齊任務，就可以享有堂食四人同行一人免費，真係抵上加抵，約埋朋友食多餐先得😋。