翁記上海館 (Closed)

因為工作關係去左我好少去既慈雲山。唔經唔覺見左2個鍾客，一出到黎天都黑晒！ 個肚又打晒鼓！好彩男人一早黎左慈雲山仲搵埋餐廳，仲要係上海野！行下行下去左d內街，心諗唔對路喎！有野食既咩？原來e條街收埋左好多食店！其中好多人排隊既就係e間「翁記」一坐低唔洗諗！例牌小龍包！一咬落去勁多汁！剛蒸好，又夠熱！個皮就真係要讚下！夠薄！又唔易穿！鍋貼煎過好香口夠脆，但又唔會過乾！一樣一咬落去爆汁既！😊油脂剛剛好唔太油膩！食多幾隻都唔怕！酸辣湯！勁推介！有大有細，好難相信e碗係細！ 夠4人飲！酸味同辣味平衡！仲好足料！飲完一碗係會想飲多碗！男人要食肉！勁返碟豬手佢食！又係份量驚人！好入味！如果要爽d就更正！炒米粉！驚喜！用我曼鍾意既銀絲米粉炒！足料！配菜夠爽脆加埋米粉好正！但係唔太夠熱囉！點都要食d菜中和下，男人最愛！奶油津白！奶油味唔太重！所以唔太膩！菜如果可以唔煮咁林就正！可能我個人唔太鍾意食太林既菜！但我男人食得津津有味！最後最令我估唔到既就係價錢！真係做街坊生意！性價比高！我仲立刻話左比幾個住附近既朋友聽！但完來佢地都話一早知道仲係佢地既飯堂tim！