牛霸小麵店 (Closed)

有日咁岩search緊台式餐廳，竟然見到灣仔依間，平時完全唔知原來有間咁嘅鋪。去到一睇發現位置都幾隱蔽下，喺啲巷裡面，如果我無search過，平時應該唔會留意到。我weekend中午大概1點黎到，竟然都無咩人(可能因為疫情啦)。間鋪裡面算幾大而且位置頗多，一坐底侍應就攞左張QR code單黎，原來依度係scan QR code落order，有咩特別要求都可以順便揀埋，都幾方便。另外like fb仲有送小食，送左碟鹽酥雞軟骨，細細粒。我今次叫左鹽酥雞肉燥麵($57)，再加$6珍珠奶茶。落單嘅時候有得揀湯麵或者拌麵，我揀左拌麵。我都幾中意食依款麵條，肉燥同汁嘅分量都ok，撈勻之後啲麵掛左啲汁都夠入味。鹽酥雞就一般般啦，正常但唔係話特別好食。食完覺得間餐廳普通啦，正常但係唔會特別令我印象深刻(可能我黎之前expectation高左啲)。不過勝在唔洗加一，而且店內有wifi用。