淳吟居酒屋 (Closed)

去完圓方，唔想食連鎖餐廳，行過對面小巷，見到有間居酒屋，膽粗粗入去試吓。雖然店舖細細，但係入面裝修好用心，好日系好舒服，仲有outdoor seating添，啱晒呢啲咁舒服嘅天氣。嘢食嘅選擇好多，呢個明太子玉子燒，係我食過口感最好嘅煮法，兩種食材嘅味道平衡得好好。清酒浸鮑魚，份量比我想像中少，但一嚟賣相已經好吸引，二來酒香濃得嚟又唔會搶走咗鮑魚嘅鮮味。平時出去食加州卷都唔平，呢度$38有三大件，食材新鮮，抵食！芝士年糕大阪燒，呢個配搭冇得輸，年糕係比較企身，如果做到拉絲軟淋淋就更加好味啦。最後呢個甜品有驚喜，應該係檸檬同柚子味，好消滯。