Video
Read full review
2014-06-23
7295 views
小肥家中有位Auntie，其洋名正好同「摩廚麵館」嗰個英文名一樣，都係叫「Maureen」，經友人帶過一次後，因為覺得好有緣，而且食物菜式好特別，所以就陸續推介比親友。Auntie Maureen非常好客，亦好愛錫後輩，發現新美食更第一時間邀請為食貓XO仔同表妹為座上客，我地兩個可以話係既榮幸，又感激 ！位於灣仔o既「摩廚麵館」地點都幾隱蔽，平時行街一定唔會經過，加上深色o既門面並不起眼，如果唔係Auntie介紹係絕對唔會留意到 ，亦唔會識自己去。麵館面積唔大，從門口可以一眼望哂，左手邊為開放式廚房及約七至八位吧座，右手邊則為三張二至四人o既散枱，地方簡潔企理。Auntie一早訂咗位，所以我地當日有得坐餐室最後排，亦即全店最舒適o既四人枱；不過佢話，如果人少，隨身物唔多，坐吧枱其實可以一邊欣賞穿著紅色廚服o既大廚老闆娘Maureen女士烹調食物，一邊品嚐美饡，享受另一番風味！「摩廚麵館」座位不夠二十，除咗老闆娘喺廚房內忙碌地炮製食物，其餘三位年紀唔輕o既伙計o既職務都離不開落單、傳菜、收碟等，功夫唔算多，亦不見得複雜，處理得都尚算妥當，唯獨細佬覺得佢地欠缺咗份熱誠同衝勁 ，有好大
位於灣仔o既「摩廚麵館」地點都幾隱蔽，平時行街一定唔會經過，加上深色o既門面並不起眼，如果唔係Auntie介紹係絕對唔會留意到 ，亦唔會識自己去。麵館面積唔大，從門口可以一眼望哂，左手邊為開放式廚房及約七至八位吧座，右手邊則為三張二至四人o既散枱，地方簡潔企理。Auntie一早訂咗位，所以我地當日有得坐餐室最後排，亦即全店最舒適o既四人枱；不過佢話，如果人少，隨身物唔多，坐吧枱其實可以一邊欣賞穿著紅色廚服o既大廚老闆娘Maureen女士烹調食物，一邊品嚐美饡，享受另一番風味！
「摩廚麵館」座位不夠二十，除咗老闆娘喺廚房內忙碌地炮製食物，其餘三位年紀唔輕o既伙計o既職務都離不開落單、傳菜、收碟等，功夫唔算多，亦不見得複雜，處理得都尚算妥當，唯獨細佬覺得佢地欠缺咗份熱誠同衝勁 ，有好大進步o既空間！
「摩廚麵館」一共提供三款午市套餐，分別為''The Simple One''（HK$128加一）、''The Original''（HK$180加一）及''The Executive''（$208加一）。
Auntie Maureen真係好客氣，提議我地每人都叫一set五道菜o既行政套餐，仲幫我地轉埋份頭盤做黑松露鮑魚（當然係要加錢啦！），小肥真係有少少唔好意思。
黑松露鮑魚（Abalone with Truffle Oil）：涷食o既鮑魚質感爽脆，以黑松露油點綴不但增添一份軟滑感，同時亦能特顯鮑魚o既鮮甜味，簡單而出眾 ！
63度蛋、香菇啫喱、雲腿（The Perfect Egg – 63 Degree Egg, Mushroom Fluid Gel, Serrano, Wanton Wrapper）：摩廚o既「完美之蛋」其實係一隻半生熟o既流心蛋，咁究竟點解會叫「63度蛋」呢？有靚太廚神美名o既媽咪解釋，咁係因為隻蛋其實係喺攝氏63度o既熱水入面慢煮！「63度蛋」層半透明o既蛋白晶瑩剔透，光澤閃亮，濕潤滑溜，而蛋黃則鮮艷流心，味道香濃，配上碟底o既香菇雲腿啫喱及伴碟o既雲吞皮食，更覺野味，摩廚真係冇講錯，此果真乃完美之作 ！
低溫煮和牛牛腩、洋葱白酒汁（Kobe Brisket – Sous Vide Kobe Beef Brisket, Onion Sauce）：講真XO仔好少食牛腩，怕牛腩過熟容易變老，即又乾又嚡，不過因為見餐牌寫明係「和牛牛腩」，所以就好好奇地叫咗黎試 。意外地，和牛牛腩脂肪唔係太多，第一感已經好健康！和牛牛腩肉質同厚切牛脷有少少接近，軟腍得黎又帶點彈牙，最重要係牛腩完全唔嚡、唔乾，而且好入味，其洋葱白酒汁味濃得黎又唔會話好溜，絕對值得推介 ！
摩廚撈麵、中國老火湯（Noodles – Noodles Lo Mein, Chinese Broth）：上枱時，服務生解釋，麵條上橙橙地嗰啲其實係麻油忌廉，食客可隨自己o既喜好撈落啲麵度，極愛麻油o既小肥當然係撈哂啦 ！摩廚撈麵，貌似日式拉麵，質感煙韌彈牙，撈入麻油令原本乾身o既麵條增添潤滑，配上伴碟o既菜苗一齊食，口感同時又變得爽脆，清新奇妙，不愧為鎮店菜式！
朱古力慕斯（Chocolate Mousse – Warm Chocolate Mousse）：暖暖o既朱古力慕斯由服務生負責喺客人面前唧出 ，即叫即起，幾有睇頭。朱古力慕斯又暖又滑，朱古力味香濃，但又唔會過甜，雖然只係細細杯，但因為前四道菜都好飽肚，所以份量其實啱啱好 。
埋單每人份升呢版套餐約$280，前菜有鮑魚，主菜食和牛，自創菜式美味之餘，煮法新潮得黎又唔會過火，老少咸宜，飽肚實惠，實屬難得，價錢唔算話超抵，但絕對可以接受！始終大廚只有一位，雖然店舖細細間，座位不多，環境又唔係特別高級，但係XO仔覺得老闆娘兼大廚Maureen女士已經做得好好，值得在此加以鼓勵 ！Post
