Video
Read full review
2019-03-25
524 views
2019年3月24日。雨。尖沙咀。呢兩日天氣突然轉凍，仲落雨添。。。咁嘅天氣令我不禁想起當年遊覽葡萄牙嘅時候都係一樣嘅天氣～而葡萄牙人仲認為落雨個地下望落會閃令令咁，比平時更靚，呵呵～咁啱呢日男朋友就帶咗我嚟食葡國菜啦～呢間葡國菜餐廳位置有啲隱蔽，喺美麗華二期行到門口就會見到呢隻好有特色嘅葡國公雞所以如果想喺尖沙咀靜靜地咁食餐飯，呢度都係唔錯嘅選擇～餐廳提供唔同嘅套餐畀客人揀，唔想選擇困難症發作就可以直接因應人數揀套餐～枱上仲有葡萄牙出產嘅橄欖油同黑醋，質素高，仲任加唔嬲添！里斯本沙律唔好以為呢個沙律就只係食菜，佢原來係個寶藏，充滿驚喜～首先有大量沙律菜啦～黑醋香甜，可以僻咗啲菜嘅少少草青味除咗沙律菜，裏面仲有芝士粒、西班牙火腿、橄欖最驚喜嘅係入面仲有好多唔同嘅果乾！！唔同嘅水果帶出獨特嘅甜味～有提子乾、莓乾、木瓜乾，仲有最正嘅無花果乾！！！呢個沙律真係好開胃，必點！葡式烤乳豬（1/4隻）中式烤乳豬係我平時婚宴唔多會食嘅嘢但係呢款葡式烤乳豬睇落吸引好多～即管試下～佢個外皮唔似中式乳豬咁會有爆花，係滑捋捋嘅～近骨嘅肉醃得非常入味，鹹香十足，但絶對唔係死鹹，好惹味～肉味嚟講，完全唔會有羶味
呢兩日天氣突然轉凍，仲落雨添。。。
咁嘅天氣令我不禁想起當年遊覽葡萄牙嘅時候都係一樣嘅天氣～
而葡萄牙人仲認為落雨個地下望落會閃令令咁，比平時更靚，呵呵～
咁啱呢日男朋友就帶咗我嚟食葡國菜啦～
呢間葡國菜餐廳位置有啲隱蔽，喺美麗華二期行到門口就會見到呢隻好有特色嘅葡國公雞
所以如果想喺尖沙咀靜靜地咁食餐飯，呢度都係唔錯嘅選擇～
餐廳提供唔同嘅套餐畀客人揀，唔想選擇困難症發作就可以直接因應人數揀套餐～
枱上仲有葡萄牙出產嘅橄欖油同黑醋，質素高，仲任加唔嬲添！
里斯本沙律
47 views
0 likes
0 comments
里斯本沙律
唔好以為呢個沙律就只係食菜，佢原來係個寶藏，充滿驚喜～
首先有大量沙律菜啦～
黑醋香甜，可以僻咗啲菜嘅少少草青味
除咗沙律菜，裏面仲有芝士粒、西班牙火腿、橄欖
最驚喜嘅係入面仲有好多唔同嘅果乾！！
唔同嘅水果帶出獨特嘅甜味～有提子乾、莓乾、木瓜乾，仲有最正嘅無花果乾！！！
呢個沙律真係好開胃，必點！
葡式烤乳豬（1/4隻）
46 views
0 likes
0 comments
葡式烤乳豬（1/4隻）
中式烤乳豬係我平時婚宴唔多會食嘅嘢
但係呢款葡式烤乳豬睇落吸引好多～
即管試下～
佢個外皮唔似中式乳豬咁會有爆花，係滑捋捋嘅～
近骨嘅肉醃得非常入味，鹹香十足，但絶對唔係死鹹，好惹味～
肉味嚟講，完全唔會有羶味，肉質嫩滑，推薦！
隔籬嘅飯，個飯有名堂嘅，叫做「肥仔炒飯」，唔知點解叫咁嘅名呢～
用料豐富，有葡國臘腸、雞強、紅蔥頭、蒜頭同埋蕃茄醬，最重要嘅係～～炒飯入面都有提子乾！！！
炒飯甜甜地咁，好好味～
espresso
61 views
0 likes
0 comments
特濃咖啡
身為咖啡控嘅我點少得飲咖啡環節
店員推介我哋試下delta嘅espresso
Delta係葡萄牙出名嘅咖啡品牌，飲落果然香濃～
店員仲好貼心咁為少飲咖啡嘅男朋友準備decaf
服務一流～
葡式西多士
208 views
0 likes
0 comments
葡式西多士
葡式西多士用個鑊仔上，有好多嚿，堆咗個山仔出嚟咁
呢款西多士睇樣就知同港式西多好唔同
個面有好多啡色好似黑糖嘅粉原來係特別嘅肉桂糖粉！
再配上個砵酒醬同埋士多啤梨＆藍莓
造型滿分～
食落亦好滋味～本身驚肉桂味會好重，但呢個顧慮係多餘嘅～
只有淡淡嘅肉桂味，所以成個味道好特別
西多士口感亦豐富，做到外脆內軟～
配返個espresso又令件事昇華咗！
紅砵酒雪糕
124 views
0 likes
0 comments
紅砵酒雪糕
食嘅時候店員做過嚟倒啲乾冰入下面個座～
視覺效果一流～
紅色嘅砵酒雪糕用嘅酒有個好靚嘅名，叫做紅寶石～
食落酒味濃，但唔啃，雪糕綿滑，甜度適中～
白砵酒雪糕
101 views
0 likes
0 comments
白砵酒雪糕
白色砵酒味道軟苦，可能係酒嘅原因～
亦可能係入面加咗檸檬皮嘅關係～
增加雪糕質感，係雪糕質地依然creamy
呢個甜品感覺上就係大人嘅味道～
正！！
Other Info. :
由點餐到埋單都係男朋友負責，所以唔知價，呵呵～
(The above review is the personal opinion of a user which does not represent OpenRice's point of view.)
Post
